ប៉េកាំង៖ ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃអង្គារ ទី១៩ ខែធ្នូ ថា មនុស្សយ៉ាងហោចណាស់ ១១៦នាក់បានស្លាប់បាត់បង់ជីវិត នៅពេលគ្រោះរញ្ជួយដីបានដួលរលំអគារនានានៅភាគពាយព្យប្រទេសចិន ខណៈដែលក្រុមអ្នកជួយសង្គ្រោះបានប្រណាំងដើម្បីចាប់ផ្តើមជីកយកគំនរបាក់បែកក្នុងស្ថានភាពត្រជាក់។
មន្ត្រីក្នុងតំបន់បានឲ្យដឹងថា យ៉ាងហោចណាស់មនុស្ស ១០៥ នាក់បានស្លាប់ និងជិត ៤០០ នាក់បានរងរបួសនៅក្នុងខេត្ត Gansu បន្ទាប់ពីមានការរញ្ជួយដ៏ខ្លាំង និងរាក់ៗបានវាយប្រហារនៅពាក់កណ្តាលអធ្រាត្រ។
យោងតាមទូរទស្សន៍ CCTV បានឲ្យដឹងថា មនុស្ស ១១ នាក់ផ្សេងទៀតត្រូវបានសម្លាប់ និង ១០០ នាក់ផ្សេងទៀតរងរបួសនៅក្នុងទីក្រុង Haidong ក្នុងខេត្ត Qinghai ជិតខាង។
ទីភ្នាក់ងារព័ត៌មានរដ្ឋ Xinhua បានលើកឡើងថា គ្រោះរញ្ជួយដីនេះបានធ្វើឱ្យផ្ទះដួលរលំ និងបណ្តាលឱ្យខូចខាតយ៉ាងសំខាន់ផ្សេងទៀត ដោយបានបញ្ជូនមនុស្សរត់ចូលទៅក្នុងផ្លូវដើម្បីសុវត្ថិភាព។
ស្ត្រីម្នាក់អាយុប្រហែល ៣០ ឆ្នាំបានបញ្ជាក់នៅក្នុងវីដេអូមួយដែលបានបង្ហោះទៅក្នុងគណនីប្រព័ន្ធផ្សព្វផ្សាយសង្គមដែលភ្ជាប់ជាមួយកាសែតរដ្ឋ People’s Daily ថា ខ្ញុំស្ទើរតែភ័យខ្លាចស្លាប់។ សូមមើលពីរបៀបដែលដៃនិងជើងរបស់ខ្ញុំញ័រ។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
