ឯកឧត្តម មាន ចាន់យ៉ាដា៖ ជាពេលវេលាដ៏មានតម្លៃ ដែលខ្មែរគ្រប់មជ្ឈដ្ឋានសង្គម គប្បីសាមគ្គី ភ្ញាក់រលឹក និងចូលរួមជាមួយរាជរដ្ឋាភិបាល ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន ឲ្យបានផុលផុស និងស្មោះស្ម័គ្របំផុត

ភ្នំពេញ៖ ឯកឧត្តម មាន ចាន់យ៉ាដា អភិបាលខេត្តឧត្តរមានជ័យ បានលើកឡើងថា ជាពេលវេលាដ៏មានតម្លៃ ដែលយើងជាខ្មែរគ្រប់មជ្ឈដ្ឋាន សង្គមទាំងគ្រហស្ត និងបព្វជិត ពិសេស នៅពេលដែលយើងកំពុងរស់នៅនាខេត្តជាប់ព្រំដែនផងនោះ គប្បីសាមគ្គី ភ្ញាក់រលឹក និងចូលរួមឲ្យបានផុលផុស និងស្មោះស្ម័គ្របំផុត ជាមួយរាជរដ្ឋាភិបាលកម្ពុជា ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន ។

នេះជាការថ្លែងរបស់ឯកឧត្តម មាន ចាន់យ៉ាដា អភិបាលខេត្តឧត្តរមានជ័យ ក្នុងពិធីសំណេះសំណាជាមួយព្រះមន្ត្រីសង្ឃខេត្ត ក្រុង ស្រុក និងព្រះចៅអធិការវត្ត ទូទាំងខេត្តឧត្តរមានជ័យ នៅថ្ងៃទី៩ ខែកញ្ញា ឆ្នាំ២០២៤ ក្រោមព្រះអធិបតីភាព សម្តេចព្រះពុទ្ធជ័យមុនីបណ្ឌិត ឃឹម សន និងសម្តេចព្រះមហាអរិយវង្សបណ្ឌិត យ៉ន សេងយៀត ព្រះតំណាងគណៈសង្ឃនាយក នៃព្រះរាជាណាចក្រកម្ពុជា។ ពិធីនេះដែរក៏មានការចូលរួមពីឯកឧត្តម ហ៊ឹម វិបុលផល អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា ។ ពិធីនេះធ្វើឡើងនៅសាលប្រជុំមន្ទីរធម្មការនិង សាសនាខេត្តឧត្តរមានជ័យ ។

ក្នុងឱកាសនោះដែរឯកឧត្តម មាន ចាន់យ៉ាដា បានមានប្រសាសន៍ថា ថ្ងៃនេះ ជាថ្ងៃមួយប្រកបដោយមហានក្ខតឫក្ស អធិក អធម និងពោពេញទៅដោយមនោសញ្ចេតនា សោមនស្ស រីករាយក្រៃលែង សម្រាប់ព្រះសង្ឃ និងលោកអាចារ្យ គណៈ កម្មការវត្ត ដោយយើងទាំងអស់គ្នាបានចំណាយពេលវេលា ដ៏មានតម្លៃ ចូលរួមក្នុងពិធីសំណេះសំណាលជាមួយព្រះ មន្ត្រីសង្ឃខេត្ត ក្រុង ស្រុក និងវត្តអារាមទូទាំងខេត្តឧត្តរមាន ជ័យ ក្រោមព្រះវត្តមាននៃ សម្តេចព្រះពុទ្ធជ័យមុនីបណ្ឌិត ឃឹម សន ព្រះប្រធានលេខាធិការដ្ឋានគណៈសង្ឃនាយក ជាព្រះរាជតំណាងដ៏ខ្ពង់ខ្ពស់ សម្តេចព្រះពោធិវ័ង្សកិត្តិបណ្ឌិត អំ លឹមហេង សម្តេចព្រះសង្ឃនាយកស្តីទី គណៈមហានិកាយ នៃព្រះរាជាណាចក្រកម្ពុជា នាឱកាសនេះ ដែលបាន បង្ហាញឲ្យឃើញច្បាស់ អំពីការយកព្រះទ័យទុកដាក់ដ៏ខ្ពង់ខ្ពស់ របស់សម្តេចព្រះសង្ឃនាយក នៃព្រះរាជាណាចក្រកម្ពុជា ដោយ សម្តេច បានចាត់ព្រះរាជតំណាង និមន្តចុះសួរសុខ ទុក្ខ និងសំណេះសំណាល នាពេលនេះ។

ឯកឧត្ដមអភិបាលខេត្តពិតជាមាន កិត្តិយសយ៉ាងក្រៃលែង ដោយបានចូលរួមក្នុងពិធីដ៏មាន សារៈសំខាន់នេះ ពិសេសបាន សម្តេចទាំងទ្វេរព្រះអង្គ អារាធនានិមន្តមកដល់ទឹកដីខេត្តឧត្តរមានជ័យ ដើម្បីបាន ធ្វើការផ្តល់ព្រះឱវាទសំណេះសំណាល និងធ្វើការណែនាំ ដល់ ព្រះមន្ត្រីសង្ឃ ក៏ដូចជាលោកអាចារ្យ គណៈកម្មការវត្ត ផងដែរ។

ឯកឧត្ដមអភិបាលខេត្ត ថ្លែងថា កិច្ចសំណេះសំណាលពង្រឹងការគ្រប់គ្រងដឹកនាំ ព្រះ មន្ត្រីសង្ឃ ការប្រតិបត្តិធម៌វិន័យ ការអប់រំព្រះសង្ឃក្នុងវត្ត អារាម ការប្រើប្រាស់ប្រព័ន្ធទំនាក់ទំនងសង្គមឌីជីថល និងពង្រឹងតួនាទីភារកិច្ចរបស់មន្ត្រីសង្ឃក្នុងខេត្ត ក្រុង ស្រុក និងវត្តអារាម ពិតជាមានសារៈសំខាន់ខ្លាំងណាស់ នាយុគ សម័យនេះ ដោយមិនអាចខ្វះបាន ទាំងព្រះសង្ឃ ទាំងគ្រហស្ថនៅក្នុងសង្គមទាំងខាងអាណាចក្រ និងពុទ្ធចក្ររបស់យើង ដើម្បីជាការផ្សព្វផ្សាយនូវវិន័យ ផ្សព្វផ្សាយនូវវិន័យ និងសង្ឃបញ្ញតិនានា ផង ក៏ដូចជាការបង្កើននូវគុណតម្លៃវិសេស របស់ព្រះសង្ឃ ជាស្រែបុណ្យនៃជំនឿក្នុងសង្គមខ្មែរ និងការលើកម្ពស់តម្លៃ ព្រះពុទ្ធសាសនាឲ្យកាន់តែខ្ពង់ខ្ពស់ ទុកជាដំណរ ប្រពៃណី បដិបត្តិនិយមរបស់ប្រជាជាតិខ្មែររាប់រយពាន់ឆ្នាំតទៅមុខ ទៀតផង។
ឯកឧត្ដមអភិបាលខេត្ត បន្ថែមថា ប្រសិនបើយើងក្រឡេកមើលពីអតីតកាល ប្រទេស កម្ពុជារបស់យើង តែងតែជួបចម្បាំងរាំងជល់គ្រប់របបនៃ សម័យកាលសង្គម និងគ្រប់ពេលប្តូររបបដឹកនាំ។ សម្តេចតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា បច្ចុប្បន្នជា ប្រធានព្រឹទ្ធសភាជាតិ លោកបាន កែប្រែប្រវត្តិសាស្ត្រ ពីប្រទេសដែលតែងតែជួបសង្គ្រាមបែក បាក់ជាតិ មកជាប្រទេសមានសុខសន្តិភាព និងស្ថេរភាព នយោបាយ ដែលពុំធ្លាប់មាននៃគ្រប់សម័យកាលប្រវត្តិ សាស្ត្រដឹកនាំរបស់កម្ពុជា ដែលក្នុងនោះជាអាទិ៍ ខេត្តឧត្តរមានជ័យ គឺជាមូលដ្ឋានភូមិសាស្ត្រ របស់ប្រទេសកម្ពុជា ដែលទទួលបាននូវការបញ្ចប់សង្គ្រាម និងទំនាស់បែកបាក់ ជាតិចុងក្រោយគេបំផុត ដោយសារនយោបាយឈ្នះ-ឈ្នះ និងសន្តិភាពរបស់ សម្តេចតេជោ និងមានការរីកចម្រើនជាបន្តបន្ទាប់រហូតដល់សព្វថ្ងៃ ដូចដែលយើងគ្រប់គ្នាបាន ឃើញនាពេលនេះ។ ក្រោមនយោបាយឈ្នះ-ឈ្នះ និង បញ្ចប់សង្គ្រាមបង្ហូរឈាមជាតិសាសន៍ឯង សម្តេចតេជោ ហ៊ុន សែន បានខិតខំពុះពារគ្រប់ឧបសគ្គ ដើម្បីនាំមកនូវ សុខសន្តិភាព និងការអភិវឌ្ឍលើគ្រប់វិស័យទាំងផ្នែកអាណាចក្រ និងពុទ្ធចក្រ និងគ្រប់វិស័យនានារបស់ជាតិ និងគ្រប់ សាសនា ជូនមាតុភូមិ និង ប្រជាជនកម្ពុជា។ មិនតែប៉ុណ្ណោះ សម្តេចតេជោ ក៏បានដាក់ចេញនូវគោលនយោបាយជាតិ ធំៗជាច្រើន ដើម្បីអភិវឌ្ឍប្រទេសឱ្យបានរីកចម្រើនជាលំដាប់ និងបន្តរហូតដល់សម័យកាលដឹកនាំបន្តវេន សម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជាអាណត្តិទី៧ ដោយធានាបាននូវនិរន្តរ ភាពសេដ្ឋកិច្ច នយោបាយ វប្បធម៌និងធ្លុងសាមគ្គីជាតិក្នុង សុខដុមនីយកម្មសង្គម និងធ្វើឲ្យប្រជាជនបានរស់នៅ ដោយជីវភាពសម្បូរសប្បាយ ក្រោមម្លប់សន្តិភាព ជាមួយ ការដាក់ចេញនូវគោលនយោបាយប្រកបដោយគតិបណ្ឌិត យុទ្ធសាស្ត្របញ្ចកោណដំណាក់កាលទី១ រួមមានការកំណត់ អភិវឌ្ឍជាអាទិភាពលើវិស័យទាំង៤ មនុស្ស ផ្លូវ ទឹក ភ្លើង និងបច្ចេកវិទ្យា។

ឯកឧត្តម មាន ចាន់យ៉ាដា បញ្ជាក់ថា «ជាមួយលទ្ធផលដ៏ច្រើនឥតគណនា ដែលរាជរដ្ឋាភិបាលសម្រេចបានជូនជាតិ មាតុភូមិ និងប្រជាជនដ៏ឧត្តុង្គឧត្តមរបស់យើង និងក៏ជាការបង្ហាញនូវស្មារតីសាមគ្គីភាព រួមចំណែកក្នុងនាមកោសិកាសង្គមមួយរបស់ជាតិ យើង ទាំងអស់គ្នាជាប្រជាជាតិខ្មែរ ជាថ្នាក់ដឹកនាំ មន្ត្រីរាជការ កង កម្លាំងប្រដាប់អាវុធ ព្រះសង្ឃ និងបរិស័ទគ្រប់សាសនាដែល មានស្មារតី និងឧត្តមគតិស្នេហាជាតិមាតុភូមិក្នុងឱកាសដែលប្រទេសជាតិមានតម្រូវការអភិវឌ្ឍសេដ្ឋកិច្ច និងខឿន ការពារជាតិរបស់យើង និងស្របពេលដែលមានការអំពាវនាវ ជាចលនាជាតិនិយមទូលំទូលាយ របស់ប្រមុខថ្នាក់ដឹកនាំ ប្រទេស សម្តេចមហាបវរធិបតី នាយករដ្ឋមន្ត្រី ខ្ញុំព្រះ ករុណា ខ្ញុំ សូមធ្វើសំណូមពរដល់ ព្រះមន្ត្រីសង្ឃគ្រប់ព្រះ ឋានានុក្រម ព្រះចៅអធិការ ព្រះភិក្ខុ សាមណេរគ្រប់ៗព្រះ អង្គ ព្រមទាំងលោកអាចារ្យ គណៈកម្មការវត្តទាំងអស់ក្នុង ទូទាំងខេត្ត សូមព្រះមេត្តាយកព្រះទ័យ និងទឹកចិត្តចូលរួម បរិច្ចាគនូវថវិកាទោះតិចក្តីច្រើនក្តី តាមព្រះទ័យ និងទឹកចិត្ត សទ្ធាដោយអនុគ្រោះ ចូលរួមជាមួយរាជរដ្ឋាភិបាលកម្ពុជា ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន ហើយដែល ជាពេលវេលាដ៏មានតម្លៃ ដែលយើងជាខ្មែរគ្រប់មជ្ឈដ្ឋាន សង្គមទាំងគ្រហស្ត និងបព្វជិត ពិសេស នៅពេលដែលយើងកំពុងរស់នៅនាខេត្តជាប់ព្រំដែនផងនោះ គប្បីសាមគ្គី ភ្ញាក់រលឹក និងចូលរួមឲ្យបានផុលផុស និងស្មោះស្ម័គ្របំផុត ចំពោះបុព្វហេតុទាំងនេះ» ៕