ឯកឧត្តម សួស ប្រាថ្នា អញ្ជើញចូលរួមកិច្ចប្រជុំពិនិត្យនិងពិភាក្សាការងារត្រៀមរៀបចំសន្និបាតឃុំ សង្កាត់ អាណត្តិទី៥
ភ្នំពេញ៖ នៅព្រឹកថ្ងៃអង្គារ ទី៧ ខែកក្កដា ឆ្នាំ២០២៦នេះ ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាល អញ្ជើញចូលរួមកិច្ចប្រជុំ គណៈកម្មការរៀបចំសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ ក្រោមអធិបតីភាព ឯកឧត្តម សន្តិបណ្ឌិត ម៉ៅ ច័ន្ទតារា រដ្ឋមន្រ្តីស្តីទីក្រសួងមហាផ្ទៃ និងជាប្រធានគណៈកម្មការ នៅសាលប្រជុំរាជធានីភ្នំពេញ ទីស្ដីការក្រសួងមហាផ្ទៃ។
កិច្ចប្រជុំនេះមានការអញ្ជើញចូលរួមពីឯកឧត្តមរដ្ឋលេខាធិការ អនុរដ្ឋលេខាធិការ អគ្គលេខាធិការ លោក លោកស្រី អគ្គនាយករង អគ្គស្នងការរង ដែលជាអនុប្រធាន សមាជិក សមាជិកគណៈកម្មការរៀបចំសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ ជាច្រើនរូប។
កិច្ចប្រជុំនេះរៀបចំឡើងដើម្បីពិនិត្យមើលអំពីវឌ្ឍនភាពការងាររបស់អនុគណៈកម្មការនីមួយៗ និងពិនិត្យពិភាក្សាលើការងារអាទិភាពសម្រាប់រៀបចំកិច្ចប្រជុំគណៈកម្មការរៀបចំសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ ដើម្បីត្រៀមរៀបចំសន្និបាតឃុំ សង្កាត់ អាណត្តិទី៥ នៅពាក់កណ្ដាល ខែសីហា ឆ្នាំ២០២៦ខាងមុខនេះ៕
