ពិធីបិទដំណើរការចុះតាមដានត្រួតពិនិត្យនិងគាំទ្រដើម្បីពង្រឹងប្រសិទ្ធភាពការងាររបស់ប៉ុស្តិ៍នគរបាលរដ្ឋបាល
ថ្ងៃទី ៧ ខែកក្កដាឆ្នាំ ២០២៦ ស្នងការដ្ឋាននគរបាលខេត្តបន្ទាយមានជ័យបានរៀបចំពិធីបិទដំណើរការចុះតាមដានត្រួតពិនិត្យនិងគាំទ្រដើម្បីពង្រឹងប្រសិទ្ធភាពការងារប៉ុស្តិ៍នគរបាលរដ្ឋបាលនៃស្នងការដ្ឋាននគរបាលខេត្តបន្ទាយមានជ័យ ។ពិធីនេះធ្វើឡើងក្រោមអធិបតីភាពលោកវរសេនីយ៍ឯក គឹម កល្យាណ អនុប្រធាននាយកដ្ឋានតិចកាពប៉ុស្តិ៍នគរបាលរដ្ឋបាលតំណាងលោកឧត្តមសេនីយ៍ទោមាស លឹមតុង ប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាលនិងលោកឧត្តមសេនីយ៍ត្រី វង្ស វិត ស្នងការស្ដីទី តំណាងលោកឧត្តមសេនីយ៍ត្រីសឿម សារិទ្ធ ស្នងការនគរបាលខេត្តបន្ទាយមានជ័យ និងមានការចូលរួមពីលោកនាយការិយាល័យកិច្ចការប៉ុស្តិ៍ លោក លោកស្រី អធិការអធិការរង ព្រមទាំងលោកនាយប៉ុស្តិ៍នគរបាលរដ្ឋបាលឃុំសង្កាត់ទាំង៦៧ ផងដែរ ៕
ថ្លែងនាឱកាសនោះ លោកឧត្តមសេនីយ៍ត្រីវង្ស វិត ស្នងការស្ដីទី និងក្នុងនាមលោកឧត្តមសេនីយ៍ត្រី សឿម សារិទ្ធស្នងការនគរបាលខេត្តបន្ទាយមានជ័យ សូមសម្ដែងនូវការអរគុណដល់លោកឧត្តមសេនីយ៍ទោមាស លឹមតុង ប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាលដែលបានចាត់តាំងក្រុមការងាររបស់នាយកដ្ឋានដឹកនាំដោយ លោកវរសេនីយ៍ឯក គឹម កល្យាណ អនុប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល ចុះតាមដានត្រួតពិនិត្យនិងគាំទ្រដើម្បីពង្រឹងប្រសិទ្ធភាពការងារប៉ុស្តិ៍នគរបាលរដ្ឋបាលនៃស្នងការដ្ឋាននគរបាលខេត្តបន្ទាយមានជ័យរហូតបានជោគជ័យនិងធ្វើពិធីបិទនា ពេលនេះ ។
លោកឧត្តមសេនីយ៍ត្រី វង្ស វិត បានធ្វើសេចក្តីរាយការណ៍ថា ÷ បទល្មើសព្រហ្មទណ្ឌកើតឡើង៤០/៤២ ថយចុះ ៥%។ក្នុងនោះបទល្មើសឧក្រិដ្ឋកើតឡើង២១/១៥ កើនឡើង ៤០% បទល្មើសមជ្ឈឹម១៩/២៧ ថយចុះ៣០%
។បង្រ្កាបក្រុមក្មេងទំនើងចំនួនប្រាំពីលើកឃាត់ខ្លួន ២៤ នាក់ក្នុងនោះធ្វើកិច្ចសន្យាអប់រំ២លើកនិងបញ្ជូនទៅតុលាការចាត់ការតាមនិតិវិធី៥លើក ។ បង្ក្រាបទីតាំងស្គេមអនឡាញនិងពិនិត្យ៣៨ទីតាំង (បិទសៀល១៩ទីតាំង) រកឃើញជនបរទេសសរុបចំនួន៥,២២២ នាក់ ស្រី៨១៧នាក់ ។ ចំពោះលទ្ធផលនៃការអនុវត្តគោលនយោបាយភូមិ ឃុំ សង្កាត់ មានសុវត្ថិភាពឆ្នាំ២០២៥ ប៉ុស្តិ៍ទទួលបានចំណាត់ថ្នាក់លេខ១ មាន៦២ ប៉ុស្តិ៍។ចណាត់ថ្នាក់លេខ២ មាន៤ប៉ុស្តិ៍និងចំណាត់ថ្នាក់លេខ៣ មាន១ប៉ុស្តិ៍ ។
លោកវរៈសេនីយ៍ឯកគឹម កល្យាណ អនុប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល បានបញ្ជាក់អំពីតួនាទីភារកិច្ចរបស់នគរបាលប៉ុស្តិ៍រដ្ឋបាលមានភារកិច្ចថែរក្សាការពារសន្តិសុខ សណ្ដាប់ធ្នាប់ សុវត្ថិភាពជូនប្រជាពលរដ្ឋក្នុងមូលដ្ឋានឃុំ សង្កាត់ ដោយប្រើប្រាស់វិធានការជំនាញគ្រប់គ្រងចំនួន ៤គឺ ÷ទី១-គ្រប់គ្រងមនុស្ស, ទី២- គ្រប់គ្រងមុខរបរ ,ទឋឹ៣-គ្រប់គ្រងមធ្យោបាយនិងទី៤គ្រប់គ្រងអាវុធជាតិផ្ទុះ ។ ធ្វើបញ្ជីមុខសញ្ញាក្រុមក្មេងទំនើងនិងមុខសញ្ញាចេញពីពន្ធនាគារ ឲ្យបានច្បាស់លាស់ និងកសាងកម្លាំងសម្ងាត់ក្នុងមូលដ្ឋានព្រមទាំងប្រជាជនល្អផ្ដល់ព័ត៌មានមកយើង ។ មួយវិញទៀតនគរបាលសហគមន៍គឺធ្វើយ៉ាងណាឱ្យប្រជាពលរដ្ឋមានជំនឿជឿជាក់មកលើកងកម្លាំងនគរបាលយើង។ បម្រើសេវាសាធារណៈជូនប្រជាពលរដ្ឋ ឲ្យទាន់ពេលវេលានិងគ្រប់គ្រងសៀវភៅក១ដល់ក៩ ឲ្យបានល្អមចុះលេខបញ្ជីស្នាមឲ្យបានត្រឹមត្រូវ។
ជាមួយនោះដែលលោកវរសេនីយ៍ឯក អនុប្រធាននាយកដ្ឋានកិច្ចការប៉ុស្តិ៍បានសំណូមពរឱ្យស្នងការដ្ឋាននគរបាលខេត្តស្នើឱ្យខាងជំនាញក៏ដូចជាអធិការដ្ឋាននគរបាលក្រុង ស្រុកជួយ គាំទ្រដល់ប៉ុស្តិ៍នគរបាលរដ្ឋបាល ក្នុងការបណ្ដុះបណ្ដាល ហើយម្យ៉ាងវិញទៀតនគរបាលប៉ុស្តិ៍ប៉ុស្ត៍រដ្ឋបាលត្រូវពង្រឹងតួនាទីភារកិច្ចរបស់ខ្លួនឲ្យបានត្រឹមត្រូវល្អប្រសើរ។យកចិត្តទុកដាក់ថែរក្សាសម្ភារៈមធ្យោបាយដែលក្រសួងនិងស្នងការដ្ឋានបានបំពាក់ឲ្យនិងថែរក្សាអនាម័យបរិស្ថានជុំវិញប៉ុស្តិ៍ឲ្យបានស្អាតល្អផងដែរ ៕ ណុប រក្សា
