នាយឧត្តមសេនីយ៍ ប៉ែន វិបុល និងឯកឧត្តម ញ៉ែម សំអឿន អញ្ជើញប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិជូនមន្រ្តីនគរបាលជាតិ នៃស្នងការដ្ឋាននគរបាលខេត្តរតនគិរី
ភ្នំពេញ៖ ឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិក ជាតំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម ញ៉ែម សំអឿន អភិបាល នៃគណៈអភិបាលខេត្តរតនគិរី នាព្រឹកថ្ងៃទី០៩ ខែសីហា ឆ្នាំ២០២៣ បានអញ្ជើញជាអធិបតីក្នុងពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិជូនមន្រ្តីនគរបាលជាតិ នៃស្នងការដ្ឋាននគរបាលខេត្តរតនគិរី។
ពិធីនេះប្រព្រឹត្តទៅដោយធ្វេីការប្រកាសផ្ទេរភារកិច្ច តែងតាំងមុខតំណែងមន្រ្តីនគរបាលជាតិ និងតម្លើងឋានន្តរសក្តិសរុបចំនួន ១៩៣នាក់។
ក្នុងឱកាសនោះលោកឧត្តមសេនីយ៍ត្រី អ៊ុង សុភាព ស្នងការនគរបាលខេត្តរតនគិរី ត្រូវបានតម្លេីងឋានន្តរសក្តិ ឧត្តសេនីយ៍ទោ ជាមួយគ្នានេះក៌មានតម្លើងឋានន្តរសក្តិជូនមន្ត្រីនគរបាលចំនួន១២០នាក់ ផ្ទេរភារកិច្ចតែងតាំងមុខតំណែងចំនួន ៧៣នាក់។
ជាកិច្ចចាប់ផ្តេីមកម្មវិធីលោកឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគិរី បានធ្វេីរបាយការណ៍ស្វាគមន័ជូនចំពោះឯកឧត្តមគណ:អធិបតី ព្រមទាំងអង្គពិធី នៅក្នុងកម្មវិធីឯកឧត្តមអភិបាលខេត្ត បានលេីកសរសេីរដល់កិច្ចខិតខំរបស់កម្លាំងនគរបាល ក្នុងការថែរក្សាសន្តិសុខ សុវត្ថិភាព ទាំងក្នុងមូលដ្ឋាន និងតាមតំបន់ព្រំដែន មុនបញ្ចប់កម្មវិធី ឯកឧត្តម នាយឧត្តមសេនីយ៍ ប៉ែន វិបុល បានថ្លែងប្រសាសន៍ផ្តាំផ្ញើដល់មន្ត្រីនគរបាលយកចិត្តទុកដាក់អនុវត្តនូវតួរនាទីភារកិច្ច អោយកាន់តែប្រសេីរឡេីងក្នុងគោលដៅពង្រឹងសន្តិសុខជាតិ និងសុខសុវត្ថិភាពជូនដល់ប្រជាពលរដ្ឋ ៕
