ស្ត្រីបីនាក់និងបុរសម្នាក់ បែកគំនិតរួមគ្នាដែលសង្គមកំពុងស្អប់ខ្ពើម ត្រូវបានវាស់កម្ពស់នៅអធិការដ្ឋាននគរបាលស្រុកគិរីវង់
ភ្នំពេញ៖ ដោយមានការយកចិត្តទុកដាក់ពីលោកឧត្តមសេនីយ៍ទោ ឈាន ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលនិតិវិធីច្បាប់ពីឯកឧត្តម ឯក ឆេងហួត ព្រៈរាជអាជ្ញាអមអយ្យការសាលាដំបូងខេត្តតាកែវ នៅថ្ងៃទី២៨ ខែមករា ឆ្នាំ២០២៣ វេលាម៉ោង១០នឹង៥៦នាទីព្រឹក លោកវរសេនីយ៍ទោ ហៀប ស្រ៉ីម អធិការ(ស្តីទី) បានចាត់លោកអនុសេនីយ៍ឯក ម៉ៃ ឆាយ នាយផ្នែក(ស្តីទី) គ្រឿងញៀនស្រុក សហការជាមួយកម្លាំងប៉ុស្តិ៍នគរបាលរដ្ឋបាលព្រៈបាទជាន់ជុំ ដឹកនាំកម្លាំងល្បាតដល់ចំណុចផ្ទះរបស់ឈ្មោះ ស៊ុន ចន្រ្ទា ស្ថិតនៅភូមិពោធិ ឃុំព្រះបាទជាន់ជុំ ស្រុកគិរីវង់ ខេត្តតាកែវ មានការសង្ស័យក៏បានធ្វើឃាត់ខ្លួនសួរនាំក្នុងនោះរួមមានឈ្មោះដូចខាងក្រោម៖
១. ឈ្មោះ ស៊ុន ចន្រ្ទា ភេទស្រី អាយុ២៦ឆ្នាំមានទីលំនៅភូមិពោធិ ឃុំព្រះបាទជាន់ជុំ ស្រុកគិរីវង់ ខេត្តតាកែវ (ជាមុខសញ្ញាជួញដូរចែកចាយយ៉ាងសកម្ម ) ។
២•ឈ្មោះ កែវ ស្រីយ៉ា ភេទស្រី អាយុ៤៣ឆ្នាំមានទីលំនៅភូមិពោធិ ឃុំព្រះបាទជាន់ជុំ ស្រុកគិរីវង់ ខេត្តតាកែវ ។
៣•ឈ្មោះ ឈន ចន្ធូ ភេទស្រី អាយុ៣១ឆ្នាំ មានទីលំនៅភូមិពោធិ ឃុំព្រះបាទជាន់ជុំ ស្រុកគិរីវង់ ខេត្តតាកែវ។
៤•ឈ្មោះ ព្រំ ចាង ភេទប្រុស អាយុ២៧មានទីលំនៅភូមិជ្រោយស្លែង ឃុំគិរីចុងកោះ ស្រុកគិរីវង់ ខេត្តតាកែវ ។
ដកហូតវត្ថុតាងម្សៅក្រាមថ្លាពណ៍ស ចំនួន០៣កញ្ចាប់ ជញ្ជីងសំរាប់ថ្លឹងថ្នាំញៀន០១គ្រឿង នឹងថង់ប្លាស្ទិកសំរាប់វិចខ្ចប់មួយចំនួនផងដែរ។
បច្ចុប្បន្នកម្លាំងជំនាញកំពុងធ្វើការសាកសួរ និងកសាងសំណុំរឿងតាម និតិវិធីច្បាប់៕
