ឯកឧត្តម ជាម យៀប ដឹកនាំកិច្ចប្រជុំពីវឌ្ឍនភាពការងារ ត្រៀមរៀបចំមហាសន្និបាតអន្តរសភាអាស៊ាន លើកទី៤៣

ភ្នំពេញ៖ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា និងជាប្រធានគណៈកម្មការរៀបចំ មហាសន្និបាតអន្តរសភាអាស៊ាន (AIPA)​ លើកទី៤៣ នាព្រឹកថ្ងៃទី២៤ ខែតុលា ឆ្នាំ២០២២ បានអញ្ជើញដឹកនាំកិច្ចប្រជុំពិនិត្យ ពីវឌ្ឍនភាពការងារត្រៀមរៀបចំមហាសន្និបាត​ លើកទី៤៣ និងកិច្ចប្រជុំទល់មុខគ្នារវាងថ្នាក់ដឹកនាំសភាអាយប៉ានិងប្រមុខដឹកនាំអាស៊ាន។

កិច្ចប្រជុំនេះមានការអញ្ជើញចូលរួមពី ឯកឧត្តម លោកជំទាវ អនុប្រធាន សមាជិក សមាជិកា នៃគណៈកម្មការរៀបចំមហាសន្និបាតអន្តរសភាអាស៊ានលើកទី៤៣ ព្រមទាំងឯកឧត្តម លោកជំទាវ ជាអនុគណៈកម្មការ ប្រធានដឹកនាំអង្គប្រជុំតាមគណៈកម្មាធិការជំនាញ ប្រធានគណៈប្រតិភូកម្ពុជា មន្រ្តីជំនាញពីក្រសួងពាក់ព័ន្ធ ក្រុមប្រឹក្សាយោបល់ និងមន្រ្តីលេខាធិការដ្ឋានជាតិអាយប៉ា-កម្ពុជា។

ថ្លែងក្នុងកិច្ចប្រជុំ ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា ជំនួសមុខអោយ​ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងជាប្រធានអាយប៉ា​ លើកទី៤៣ និងឯកឧត្តមផ្ទាល់ ឯកឧត្តមសូមថ្លែងអំណរគុណជូន ឯកឧត្តម លោកជំទាវ សមាជិក សមាជិកាគណៈកម្មការរៀបចំ ប្រធាន​ អនុប្រធាន សមាជិក សមាជិកា នៃអនុគណៈកម្មាធិការនានា គណៈប្រតិភូសភាកម្ពុជា ក្រុមប្រឹក្សាយោបល់ តំណាងក្រសួងពាក់ព័ន្ធ ព្រមទាំងមន្រ្តីនៃលេខាធិការដ្ឋានជាតិអាយប៉ា-កម្ពុជា​ ដែលបានអញ្ជើញចូលរួមនាពេលនេះដើម្បីពិនិត្យឡើងវិញនូវវឌ្ឍនភាពការងារចុងក្រោយត្រៀមរៀបចំមហាសន្និបាតអាយប៉ាលើកទី៤៣ខាងមុខ និងកិច្ចប្រជុំទល់មុខគ្នារវាងថ្នាក់ដឹកនាំអាយប៉ា និងប្រមុខដឹកនាំអាស៊ានដែលការងារទាំងអស់ស្ទើតែត្រៀមរៀបចំរួចរាល់អស់ហើយនៅតែបន្តិចបន្តួចដែលទាមទាអោយគ្រប់ផ្នែកទាំងឣស់ពិនិត្យបន្ថែមទៀតដើម្បីឣោយបានរលូនល្អ​ ៕