យ៉ាំងហ្គោន៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៧ ខែកញ្ញានេះថា ចំនួនអ្នកស្លាប់ដោយសារទឹកជំនន់របស់ប្រទេសមីយ៉ាន់ម៉ា បានកើនឡើងដល់ ២២៦នាក់ហើយ ខណៈមនុស្សចំនួន ៧៧នាក់នៅតែបាត់ខ្លួន នេះបើយោងតាមក្រុមព័ត៌មាននៃក្រុមប្រឹក្សារដ្ឋបាលរដ្ឋរបស់ប្រទេសមីយ៉ាន់ម៉ា បានរាយការណ៍កាលពីល្ងាចថ្ងៃចន្ទ។
របាយការណ៍បានឲ្យដឹងថា ទឹកជំនន់បានប៉ះពាល់ដល់សង្កាត់រាប់សិបនៅទូទាំងប្រទេស ដោយបានសម្លាប់សត្វចំនួន ១២៨,៣៤៤ក្បាល។ អង្គការនេះបានបន្ថែមថា ជម្រកសរុបចំនួន៤៣៨ ត្រូវបានបង្កើតឡើងសម្រាប់ជនរងគ្រោះដោយទឹកជំនន់។
តំបន់ និងរដ្ឋដែលរងផលប៉ះពាល់រួមមាន Kayah, Kayin, Bago, Magway, Mandalay, Mon, Shan, Ayeyarwady និង Nay Pyi Taw Union Territory។
របាយការណ៍បានបន្តថា គិតត្រឹមថ្ងៃច័ន្ទ ទឹកជំនន់ក៏បានបំផ្លាញផ្ទះចំនួន ២,១១៦ខ្នង អគារមន្ទីរចំនួន១១៧ សាលារៀនចំនួន១,០៤០ អគារសាសនាចំនួន៣៨៦ និងបានលិចលង់លើផ្ទៃដីដំណាំចំនួន ៦៤៣,០៨១ហិចតា។
របាយការណ៍បានបន្ថែមថា ទឹកជំនន់ដែលកំពុងរីករាលដាលនៅក្នុងប្រទេសអាស៊ីអាគ្នេយ៍គឺបណ្តាលមកពីភ្លៀងធ្លាក់ខ្លាំងដែលបង្កឡើងដោយព្យុះទីហ្វុង Yagi និងការធ្លាក់ចុះយ៉ាងខ្លាំងនៅក្នុងឈូងសមុទ្រ Bengal។
