អភិបាលខេត្តព្រះសីហនុ អញ្ជើញជាអធិបតីភាព ពិធីប្រកួតបាល់ទាត់មិត្តភាព រវាងក្រុមស្នងការនគរ បាលខេត្តព្រះសីហនុ និងក្រុមបឹងកេតអង្គរ

ភ្នំពេញ៖ នៅរសៀលថ្ងៃទី១០ ខែកញ្ញា ឆ្នាំ២០២២ លោក គួច ចំរើន អភិបាលខេត្តព្រះសីហនុ បានអញ្ជើញជាអធិបតីភាព ក្នុងពិធីការប្រកួតកីឡាមិត្តភាព រវៀងក្រុមបាល់ទាត់ ស្នងការនគរបាលខេត្តព្រះសីហនុ និងក្រុមបាល់ទាត់បឹងកេតអង្គរ ដែលមានការអញ្ជើញចូលរួមពីលោកអភិបាលរងខេត្ត លោកនាយករដ្ឋបាលខេត្ត លោកអភិបាលរងក្រុង គ្រូបង្វឹកបាល់ទាត់ទាំងពីរក្រុម និងកីឡាករ ព្រមទាំងអ្នកទស្សនាច្រើនកុះករ ការប្រកួតនេះធ្វើនៅទីលានបាល់ទាត់ អនុវិទ្យល័យសម្តេចឪ សង្កាត់លេខ៣ ក្រុងព្រះសីហនុ ខេត្តព្រះសីហនុ។

ការរីកចម្រើនលើវិស័យកីឡាបង្ហាញឲ្យឃើញថា ស្រុកទេសមានសុខសន្តិភាព ហើយកីឡានាំមកនូវសុខភាព និងមិត្តភាពផងដែរ ។ កីឡាជាវិស័យមួយដែលប្រទេសទាំងអស់នៅលើពិភពលោកយកធ្វើជាស្ពានដើម្បីចងចំណងមេត្រីភាពរវាងក្រុមមួយ និងក្រុមមួយ ខេត្តមួយនិងខេត្តមួយ ប្រទេសមួយនិងប្រទេសមួយ ដោយមានការចូលរួមលេងសប្បាយរីករាយរួមគ្នា ។ ហើយការរីកចម្រើនវិស័យកីឡានៅកម្ពុជានាពេលបច្ចុប្បន្ននេះ បានបង្ហាញឲ្យឃើញថា ស្រុកទេសរបស់យើងមានសុខសន្តិភាពពេញលេញ ធ្វើឲ្យភ្ញៀវទេសចរ និងអ្នកវិនិយោគមកកាន់តែច្រើន ។

ជាពិសេស ការលែងកីឡាគឺជាផ្នែកមួយដ៏សំខាន់សម្រាប់ស្រទាប់យុវ័យ កីឡាបានធ្វើឲ្យយើងឃ្លៀតឆ្ងាយពីការប្រើប្រាស់គ្រឿង និងអំពើអបាយមុខផ្សេងៗ ដែលច្បាប់ និងសង្គមស្អប់ខ្ពើមនាពេលបច្ចុប្បន្ន និងពេលអនាគត់។
លទ្ធផលនៃការប្រកួតមិត្តភាពរវាងក្រុមទាំង២ ក្រុមបឹងកេតអង្គរ ទទួល៣គ្រាប់ និងក្រុមស្នងការនគរបាលខេត្តព្រះសីហនុ ទទួលបាន១គ្រាប់ ជ័យជំនះគឺបានទៅលើក្រុមបឹងកេតអង្គរ។

ក្នុងឱកាសនោះដែរ ឯកឧត្តម គួច ចំរើន អភិបាលខេត្តបានឧបត្ថមថវិការលើកទឹកចិត្តដល់ក្រុមទាំងពីរ ដែលក្នុងមួយក្រុមទទួលបានថវិការចំនួន ៥លានរៀល ក្នុងនោះឯកឧត្តមក៏បានឧបត្ថម្ភជូនដល់គណៈកម្មការរៀបចំការប្រកួត នូវថវិការចំនួន ២លានរៀល ផងដែរ៕