បន្ទាយមានជ័យ៖ ក្រសួងសង្គមកិច្ច អតីតយុទ្ធជន និងយុវនីតិសម្បទា តាមរយៈលោក ឃុ ន វុទ្ធី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបន្ទាយមានជ័យ រួមនឹងក្រុមការងារមន្ទីរបាននាំយកអំណោយដ៏ថ្លៃថ្លារបស់ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ជា ផល្គុន ព្រមទាំងបុត្រ ដើម្បីជួយដល់រដ្ឋបាលខេត្ត ដេីម្បីជួយដល់វីរៈកងទ័ព និងបងប្អូនជនភៀសសឹកដែលកំពុងស្នាក់នៅបណ្ដោះអាសន្ន ក្នុងខេត្តបន្ទាយមានជ័យ ក្រោយរងការឈ្លានពានជាថ្មីរបស់ភាគីសៀម នៅតាមបន្ទាត់ព្រំដែន ពិសេសតាមបន្ទាត់ព្រំដែនក្នុងភូមិសាស្រ្តខេត្តបន្ទាយមានជ័យ។
តាមរយៈនេះឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ក៏បានថ្លែងអំណរគុណឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទាក៏ដូចជាក្រុមការងារមន្ទីរ ចាត់ក្រុមការងារនាំយកនូវគ្រឿងឧបភោគបរិភោគ ប្រគល់ជូនរដ្ឋបាលខេត្ត ក្នុងការចែកជូនដល់វីរៈកងទ័ព ក៏ដូចជាបងប្អូនជនភៀសសឹកដែលកំពុងស្នាក់នៅទីសុវត្ថិភាព។
ឯកឧត្ដម ក៏បានជូនពរទៅដល់ឧត្តមរដ្ឋមន្ត្រី និងលោកជំទាវ ព្រមទាំងបុត្រ ក៏ដូចជាក្រុមការងារសូមទទួលបាននូវសុខភាពល្អបរិបូរណ៍ កម្លាំងកាយមាំមួន សម្រេចជោគជ័យគ្រប់ភារកិច្ច និងជួបប្រទះតែពុទ្ធ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមបញ្ជាក់ថា ចំពោះអំណោយឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ជា ផល្គុន ផ្តល់ជូនរដ្ឋបាលខេត្តរួមមាន អង្ករ៥០ការ៉ុង(មួយការ៉ុង២៥គីឡូក្រាម ), អំបុក១១១១កំប៉ុង, មី៥កេស, ទឹកត្រី ៥០យួរ , ទឹត្រី៥០យួរ, ទឹកសុទ្ធ៥០ រួមនឹងថវិកា២លានរៀល៕
