អភិសន្ដិបណ្ឌិត ស សុខា នឹងអញ្ជើញជាអធិបតីក្នុងពិធីចាប់ពូលការប្រកួតបាល់បាត់ពានរង្វាន់ SOCCER LEAGUE លើកទី៨ ឆ្នាំ២០២៥
ភ្នំពេញ៖ ឯកឧត្តមអភិសន្តិបណ្ឌិត ស សុខា អនុប្រធានសហភាពសហព័ន្ធយុវជនកម្ពុជា និងជាប្រធានគណៈកម្មការរៀបចំការប្រកួតបាល់ទាត់ពានរង្វាន់ SOCCER LEAGUE លើកទី៨ ឆ្នាំ២០២៥ នឹងអញ្ជើញជាអធិបតីក្នុងកម្មពិធីសន្និសីទសារព័ត៌មាន និងពិធីចាប់ពូលការប្រកួតបាល់ទាត់ពានរង្វាន់ Soccer League លើកទី៨ នៅរសៀលថ្ងៃទី២៣ ខែឧសភា ឆ្នាំ២០២៥ ខាងមុខនេះ នៅមជ្ឈមណ្ឌលម៉ានី (អគារ The KAMPUS)។នេះបើយោងតាមរយៈសេចក្ដីជូនដំណឹងរបស់ គណៈកម្មការរៀបចំការប្រកួតបាល់ទាត់ពានរង្វាន់ SOCCER LEAGUE។
សេចក្តីដូចបានជម្រាបខាងលើ គណៈកម្មការរៀបចំការប្រកួត សូមអញ្ជើញ លោក លោកស្រី អ្នកនាងកញ្ញា អ្នកសារព័ត៌មានជាតិ និងអន្តរជាតិទាំងអស់ ចូលរួមយកព័ត៌មានក្នុងសន្និសីទសារព័ត៌មាននេះ ដោយក្តីសោមនស្ស រីករាយ ដើម្បីចូលរួមលើកកម្ពស់វិស័យកីឡាតាមរយៈការផ្សព្វផ្សាយអំពីព្រឹត្តិការណ៍នៃការប្រកួតបាល់ទាត់ពានរង្វាន់ SOCCER LEAGUE លើកទី៨ ឆ្នាំ២០២៥ ឱ្យបានទូលំទូលាយ។ វត្តមានរបស់លោក លោកស្រី អ្នកនាងកញ្ញា ពិតជា មានសារៈសំខាន់ចំពោះកម្មវិធីខាងលើនេះ៕
