ឯកឧត្ដម កើត ឆែ អញ្ជើញបិទកិច្ចប្រជុំផ្សព្វផ្សាយសេចក្តីណែនាំ ស្តីពីបែបបទនិងនីតិវិធី ការផ្តល់សេវារដ្ឋបាលតាមយន្តការច្រកចេញចូលតែមួយ នៃរដ្ឋបាលឃុំ សង្កាត់
ភ្នំពេញ៖ ឯកឧត្ដម កើត ឆែ អភិបាលរងរាជធានីភ្នំពេញ ក្នុងនាមឯកឧត្តម ឃួង ស្រេង អភិបាលរាជធានីភ្នំពេញ នៅព្រឹកថ្ងៃទី៤ ខែសីហា ឆ្នាំ២០២២ បានចូលរួមក្នុងពិធីបិទកិច្ចប្រជុំផ្សព្វផ្សាយសេចក្តីណែនាំ ស្តីពីបែបបទ និងនីតិវិធី នៃការផ្តល់សេវារដ្ឋបាលតាមយន្តការច្រកចេញចូលតែមួយ នៃរដ្ឋបាលឃុំ សង្កាត់ នៅសាលារាជធានីភ្នំពេញ។
នៅក្នុងកិច្ចប្រជុំនេះ អង្គប្រជុំបានផ្តល់ឱកាសឱ្យលោក លោកស្រីចៅសង្កាត់ ស្មៀន និងមន្ត្រីរាជការពាក់ព័ន្ធលើកឡើងជាសំណួរនានាពាក់ព័ន្ធនឹងការរៀបចំអនុវត្តសេចក្តីណែនាំនេះ ហើយក្រុមការងារក៏បានផ្តល់នូវចម្លើយ និងបង្កើតយន្តការក្នុងការពិគ្រោះបន្ត ដើម្បីឱ្យការអនុវត្តផ្តល់សេវារដ្ឋបាលសង្កាត់តាមយន្តការច្រកចេញចូលតែមួយប្រកបទៅដោយរលូន។
ឯកឧត្ដម កើត ឆែ ក៏បានផ្តាំផ្ញើជូនដល់សមាសភាពអង្គប្រជុំដែលជាប្រតិបត្តិករផ្តល់សេវាសាធារណៈត្រូវយល់ច្បាស់ពីការផ្តល់សេវាតាមយន្តការច្រកចេញចូលតែមួយ និងអនុវត្តសេចក្តីណែនាំនេះដែលផ្តោតសំខាន់លើការផ្តល់សេវាសាធារណៈឱ្យកាន់តែកៀកជិតប្រជាពលរដ្ឋមានប្រសិទ្ធភាព តម្លាភាព និងកាន់តែងាយស្រួល៕