បារ៉ែនដកហូតសញ្ជាតិមនុស្សចំនួន ៦៩នាក់ ជុំវិញការដែលពួកគេបង្ហាញក្តីអាណិតអាសូរ ចំពោះទង្វើអរិភាពរបស់អ៉ីរ៉ង់ និងសហការជាមួយអង្គភាពបរទេស
ម៉ាណាម៉ា៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃអង្គារ ទី២៨ ខែមេសា ឆ្នាំ២០២៦ ប្រទេសបារ៉ែន បានសម្រេចដកហូតសញ្ជាតិមនុស្សចំនួន ៦៩នាក់ ជុំវិញការដែលពួកគេបង្ហាញក្តីអាណិតអាសូរ ចំពោះទង្វើអរិភាពរបស់អ៉ីរ៉ង់ និងសហការជាមួយអង្គភាពបរទេស។
មនុស្ស ទាំង ៦៩នាក់ រួម មាន អ្នកដែលត្រូវបានចោទប្រកាន់ផ្ទាល់ និង សមាជិក គ្រួសារ ហើយ ពួកគេ ទាំង អស់ គ្នា មិនមែន ជា ជនជាតិដើមបារ៉ែននោះ ទេ។
តាមសេចក្តីថ្លែងការណ៍របស់ក្រសួងមហាផ្ទៃ «សញ្ជាតិបារ៉ែន ត្រូវបានដកហូតពីបុគ្គលទាំងនោះមកវិញ ដោយសារតែការលើកតម្កើង ឬអាណិតអាសូរចំពោះទង្វើអរិភាពរបស់អ៉ីរ៉ង់ ឬភាពជាប់ពាកព័ន្ធជាមួយភាគីខាងក្រៅ»។
ការ ដក ហូត នេះ អនុវត្ត តាម ការណែនាំ របស់ ព្រះមហាក្សត្រ Hamad bin Isa Al Khalifa ហើយ ផ្អែក លើ មាត្រា ១០/៣ នៃ ច្បាប់ ស្តីពីសញ្ជាតិរបស់ប្រទេស បារ៉ែន។ មាត្រា នេះ ចែង អំពី ការ ដក ហូត សញ្ជាតិ ក្នុង ករណី ដែលមានការបង្ក គ្រោះថ្នាក់ ដល់ ផលប្រយោជន៍ ឬ ប្រព្រឹត្ត តាម របៀប ផ្ទុយ នឹង កាតព្វកិច្ច ស្មោះត្រង់ ចំពោះប្រទេសបារ៉ែន។
គួរបញ្ជាក់ថា អ៉ីរ៉ង់បានកំណត់គោលដៅវាយប្រហារ ក្នុងប្រទេសបារ៉ែន និងរដ្ឋអារ៉ាប់ឈូងសមុទ្រដទៃទៀត ជាកន្លែងដែលសហរដ្ឋអាមេរិកមានមូលដ្ឋានយោធា បន្ទាប់ពីអាមេរិក និងអ៉ីស្រាអែលបំផ្ទុះសង្រ្គាមប្រឆាំងអ៉ីរ៉ង់ កាលពីថ្ងៃទី ២៨ ខែកុម្ភៈ ឆ្នាំ២០២៦៕
