នគរបាលខេត្ដឧត្ដរមានជ័យ បន្ដផ្ដល់អត្ដសញ្ញាណបណ្ណសញ្ជាតិខ្មែរ ជូនប្រជាពលរដ្ឋ នៅការិយាល័យជំនាញ និងតាមបណ្ដាអធិការដ្ឋាននគរបាលក្រុង/ស្រុកទាំង៥
ឧត្ដរមានជ័យ៖ នៅថ្ងៃទី២៤ ខែមករា ឆ្នាំ២០២៦ ក្រោមការចង្អុលបង្ហាញពី លោកឧត្តមសេនីយ៍ទោ ខូវ លី ស្នងការ នៃស្នងការដ្ឋាននគរបាលខេត្តឧត្ដរមានជ័យ កម្លាំងជំនាញផែនការងារអត្ដសញ្ញាណកម្ម នៃស្នងការដ្ឋាននគរបាលខេត្ដឧត្ដរមានជ័យ កម្លាំងជំនាញផ្នែកអត្ដសញ្ញាណកម្ម នៃអធិការដ្ឋាននគរបាលក្រុង-ស្រុក បន្ដធ្វើអត្ដសញ្ញាណប័ណ្ណសញ្ជាតិខ្មែរ ជូនដល់ប្រជាពលរដ្ឋក្នុងមូលដ្ឋាន រៀងរាល់ម៉ោងធ្វើការ ធ្វើជាប្រចាំប្រមូលទិន្នន័យបានចំនួន ១៣៨នាក់ ស្រី ៧២នាក់។
ជាមួយគ្នានេះសូមអំពាវនាវដល់បងប្អូនប្រជាពលរដ្ឋក្នុងមូលដ្ឋានភូមិសាស្រ្ដខេត្ដឧត្ដរមានជ័យ ដែលមានអត្ដសញ្ញាណប័ណ្ណហួសសុពលភាព សូមបងប្អូនមកថតធ្វើថ្មីបន្ដសុពលភាព នៅការិយាល័យអត្ដសញ្ញាប័ណ្ណ នៃស្នងការដ្ឋាននគរបាលខេត្ដឧត្ដរមានជ័យ និងនៅតាមបណ្ដាអធិការដ្ឋាននគរបាលក្រុង/ស្រុកទាំង៥ ដើម្បីងាយស្រួលក្នុងការងារចាំបាច់ផ្សេងៗនាថ្ងៃខាងមុខ៕ 
