ក្រសួងការពារជាតិ៖ ការផ្សព្វផ្សាយរបស់ផេក Army Military Force Wassana Nanuam និង កងទ័ពទាន់ហេតុការណ៍ គឺជាព័ត៌មានក្លែងក្លាយ បំភ្លៃកាពិត
ភ្នំពេញ៖ ក្រសួងការពារជាតិកម្ពុជាបានបញ្ជាក់ថា ការផ្សព្វផ្សាយរបស់ផេក Army Military Force Wassana Nanuam និង កងទ័ពទាន់ហេតុការណ៍ គឺជាព័ត៌មានក្លែងក្លាយ បំភ្លៃកាពិត។
ក្រសួងការពារជាតិចាត់ទុកថា ការផ្សព្វផ្សាយរបស់ផេកArmy Military Force Wassana Nanuam កងទ័ពទាន់ហេតុការណ៍ និងRoyal Thai Army ជាសារព័ត៌មានគ្មានវិជ្ជាជីវៈ ផ្សព្វផ្សាយព័ត៌មានមិនពិត។
ក្រសួងការពារជាតិ សូមគូសបញ្ជាក់ផងដែរថា វីរកងទ័ពកម្ពុជាបាននឹងកំពុងបន្តឈរជើងយ៉ាងរឹងមាំ ស្វាហាប់ មោះមុត និងនៅតែ តស៊ូប្រយុទ្ធយ៉ាងស្វិតស្វាញតតាំងជាមួយសត្រូវឈ្លានពាន និងប្រុងប្រយ័ត្នខ្ពស់ជានិច្ច ក្នុងការ បំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា។ កម្ពុជានឹងមិនចុះចាញ់នឹងការបង្ខិតបង្ខំ ឬការបំភិត បំភ័យទោះក្នុងទម្រង់ណាមួយឡើយ៕
