ស្នងការរងខេត្តតាកែវ ដឹកនាំ កិច្ចប្រជុំត្រួតពិនិត្យលទ្ធផលអនុវត្តការងារ ការិយាល័យទាំង៣ ចំណុះឲ្យផែនការងារធនធានមនុស្ស ប្រចាំខែមិថុនា និងលេីកទិសដៅខែកក្កដា

ភ្នំពេញ៖ ដោយបានការអនុញ្ញាតិដ៍ខ្ពង់ខ្ពស់ពីលោកឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ លោកឧត្តមសេនីយ៍ត្រី ឆឹង រតនៈ ស្នងការរង ផែនការងារធនធានមនុស្ស នៅព្រឹកថ្ងៃទី១ ខែកក្កដា ឆ្នាំ២០២២ បានអញ្ជេីញដឹកនាំ “កិច្ចប្រជុំត្រួតពិនិត្យលទ្ធផលអនុវត្តការងារ ការិយាល័យបុគ្គលិក ការិយាល័យបណ្តុះបណ្តាល ការិយាល័យផ្សព្វផ្សាយអប់រំ ចំណុះឲ្យផែនការងារធនធានមនុស្ស ប្រចាំខែមិថុនា លេីកទិសដៅខែកក្កដា ឆ្នាំ២០២២”។

កិច្ចប្រជុំខាងលើនេះមានការចូលរួមពីលោកនាយ នាយរងការិយាល័យ លោកនាយ នាយរងផ្នែក និងមន្ត្រីនគរបាលក្នុងការិយាល័យទាំងបី។

ថ្លែងក្នុងកិច្ចប្រជុំនោះដែរ លោក ឧត្ដមសេនីយ៍ត្រី ឆឹង រតនៈ បានមានមតិណែនាំពង្រឹងលើ ក្រមសីលធម៌មន្ត្រីនគរបាល ម៉ោងចូលបម្រេីការងារ ការស្លៀកពាក់ឯកសណ្ឋាន ពង្រឹងលេីវេនប្រចាំបញ្ជា និងក្រេីនរំលឹកលេីវិន័យ០០៦របស់កងកម្លាំងនគរបាលជាតិ ។

លោកឧត្តមសេនីយ៍ ត្រី ស្នងការរង បានក្រើនរំលឹកនិងដាស់តឿនបន្ថែមដល់មន្ត្រីទាំងអស់ត្រូវចូលរួមចាក់វ៉ាក់សាំងអោយបានគ្រប់ៗគ្នា និងបន្តអនុវត្តន៍នូវវិធានការ ការពារឲ្យបានខ្ជាប់ខ្ជួនជានិច្ច(៣កុំ និង៣ការពារ)៕