រយៈពេល៣ថ្ងៃ ក្នុងឱកាសព្រះរាជពិធីបុណ្យអុំទូក ខេត្តរតនគិរី មានភ្ញៀវទេសចរជាតិ និងអន្តរជាតិ និងប្រជាពលរដ្ឋ សរុប ៥៧,៦១៥ នាក់

រតនគិរី៖ ក្នុងឱកាសព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក រយៈពេល០៣ថ្ងៃ ខេត្តរតនគិរី មានភ្ញៀវ ទេសចរជាតិ និងអន្តរជាតិ និងប្រជាពលរដ្ឋ សរុប ៥៧,៦១៥ នាក់។នេះបើតាមការអោយដឹងពីសំណាក់ប្រធានមន្ទីរទេសចរណ៍ខេត្តរតនគិរី លោក ង៉ែត ពិទូ នៅល្ងាចថ្ងៃទី៦ ខែវិច្ឆិកា ឆ្នាំ២០២៥នេះ។

លោកបញ្ជាក់ថា ក្នុងចំនួននេះ មាន ប្រជាពលរដ្ឋដើរលេងកម្សាន្ត ក្នុងក្រុងបានលុងសរុប៣២,៤១៨ នាក់.ភ្ញៀវទេសចរជាតិ ចំនួន ២៤,៣២៧ នាក់.ភ្ញៀវទេសចរអន្តរជាតិចំនួន ៨៧០ នាក់.ភ្ញៀវទេសចរសរុបចំនួន ២៥,១៩៧ នាក់។ចំពោះស្ថានភាពទេសចរណ៍ក្នុងខេត្តរតនគិរី ចំនួនប្រជាពលរដ្ឋ កើនឡើង២៧. ៧២%.ភ្ញៀវទេសចរជាតិ កើនឡើង១៦.៨៨%.ភ្ញៀវទេសចរអន្តរជាតិ កើនឡើង២៤២.៥២%។ ភ្ញៀវទេសចរសរុបកើនឡើង
១៩.៦០% បើប្រៀបធៀបទៅនឹងព្រះរាជពិធីបុណ្យអុំទូកឆ្នាំ២០២៤ មានភ្ញៀវទេសចរ សរុបចំនួន(២១,០៦៧ នាក់) ។

លោក ប្រធានមន្ទីរទេសចរណ៍ខេត្តរតនគិរី រូបនេះបន្តថា នៅក្នុងព្រឹត្តិការណ៍ពិធីបុណ្យអុំទូក បណ្តែតប្រទីប សំពះព្រះខែ និងអកអំបុក រយះពេល ០៣ថ្ងៃ មានព្រឹត្តិការណ៍សំខាន់ៗដូចខាងក្រោម៖
១.ព្រឹត្តិការណ៍រៀបចំដោយក្រុមហ៊ុន Family Travel Cambodia សហការ ជាមួយក្រសួងទេសចរណ៍ រដ្ឋបាលខេត្ត និងមន្ទីរទេសចរណ៍ បានរៀបចំ ព្រឹត្តិការណ៍ Family Travel Cambodia ក្នុងនោះមានក្បួនរថយន្ត និងភ្ញៀវ ទេសចរក្នុងស្រុក និងភ្ញៀវទេសចរជាតិ បានធ្វើដំណើរកំសាន្តទៅតាមតំបន់ រមណីយដ្ឋានទេសចរណ៍នានាក្នុងខេត្ត រយ:ពេល០៣ថ្ងៃ នៃព្រឹត្តិការណ៍ពិធី បុណ្យអុំទូកផងដែរ។
២.ប្រជាពលរដ្ឋនិងភ្ញៀវទេសចរ សប្បាយរីករាយនិងសាទរចំពោះរដ្ឋបាលខេត្ត ដែលបានរៀបចំពិធីអកអំបុក បង្ហោះគោម បាញ់កាំជ្រួច ការប្រគុំតន្ត្រី និងការ តាំងពិព័រណ៍ផលិតផលទេសចរណ៍ក្នុងស្រុក នៅបរិវេណមាត់បឹងកន្សែង។
៣. រដ្ឋបាលខេត្តបានរៀបចំអោយមាននូវប្រទីបតាមអង្គភាពនៅរមណីយដ្ឋាន បឹងកន្សែង។
៤.រដ្ឋបាលខេត្តបានរៀបចំអនាម័យសោភ័ណភាពទីក្រុងនិងបំពាក់ភ្លើងអគ្គិសនី តាមដងផ្លូវ សាធារណៈ និងជុំវិញមាត់បឹងកន្សែង។
៥.ហេដ្ឋារចនាសម្ព័ន្ធផ្លូវថ្នល់ពីទីរួមខេត្ត ទៅតាមតំបន់រមណីយដ្ឋាន មាន លក្ខណ:ងាយស្រួល ក្នុងការធ្វើដំណើរ
៦.សេវាកម្មស្នាក់នៅ និងភោជនីយដ្ឋាន ពុំមានការតម្លើងថ្លៃ សម្រាប់ភ្ញៀវ ទេសចរ។
៧.សន្តិសុខ និងសណ្តាប់ធ្នាប់មានភាពល្អប្រសើរ
៨.សេវាកម្មស្នាក់នៅ និងភោជនីយដ្ឋាន បានអនុវត្តតាមសារាចរ ក្រសួងទេសចរណ៍និងរដ្ឋបាលខេត្ត ស្តីពីការពង្រឹងគុណភាពសេវាកម្ម ទេសចរណ៍ក្នុងខេត្ត។

នៅតាមវត្តអារ៉ាមនានាក្នុងខេត្ត បានរៀបចំពិធីអកអំបុក សំពះ
ព្រះខែ និងមាន ការបង្ហោះគោមជាដើម ដើម្បីអបអរសាទរក្នុងព្រះរាជពិធីបុណ្យអុំទូកបណ្តែតប្រទីប សំពះព្រះខែ និងអកអំបុក។

ក្រោមការដឹកនាំនិងរៀបចំដោយឯកឧត្តម ញ៉ែម សំអឿន អភិបាលនៃគណៈអភិបាលខេត្ត ឯកឧត្តម បានកសាងហេដ្ឋានរចនាសម្ព័ន្ធជាច្រើនរួម មាន៖ ផ្លូវបេតុងជុំវិញបឹងកន្សែង សួនច្បារ រូបសំណាក់សត្វក្តាន់ រូបសំណាក់សត្វអក ញីឈ្មោល រូបសំណាក់គ្រួសារដំរី ខ្សែរត វិមានឯករាជ្យ និងបានរៀបចំសោភ័ណ្ឌភាព ទីក្រុង ដោយបំពាក់អំពូលLED តាមដងផ្លូវនិងជុំវិញមាត់បឹងកន្សែង នៅបរិវេណមាត់ បឹងកន្សែង សម្រាប់ប្រជាពលរដ្ឋ និងភ្ញៀវទេសចរ មកលេងកម្សាន្ត ក្នុ ដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ឆ្នាំ២០២៥ នេះផងដែរ៕