ភ្នំពេញ៖ ដោយទទួលបានការអនុញ្ញាត ដ៏ខ្ពង់ខ្ពស់ពីឯកឧត្តមរដ្ឋមន្រ្តីក្រសួងអភិវឌ្ឍន៍ជនបទ នៅព្រឹកថ្ងៃទី៣០ ខែមិថុនា ឆ្នាំ២០២៥ ឯកឧត្តមបណ្ឌិត ជ្រុន ថេរ៉ាវ៉ាត ទីប្រឹក្សា ផ្ទាល់ សម្ដេចមហាបវរធិបតី នាយករដ្ឋមន្រ្តី នៃព្រះរាជាណាចក្រកម្ពុជា និងជារដ្ឋលេខាធិការ ក្រសួង អភិវឌ្ឍ ន៍ជនបទ បានអញ្ជើញដឹកនាំមន្រ្តីបច្ចេកទេសនាយកដ្ឋានផ្លូវលំជនបទ សហការជាមួយក្រសួងសេដ្ឋកិច្ច និងហិរញ្ញវត្ថុ មន្ទីរអភិវឌ្ឍន៍ជនបទខេត្ត មេឃុំ មេភូមិ និងប៉ុស្តិ៍រដ្ឋបាល ចុះសិក្សាវាយតម្លៃផ្លូវចំនួន២ខ្សែ៖
-ខ្សែទី១-ផ្លូវដីល្បាយក្រួស ប្រវែងសរុប ៩គ.ម និងសំណង់សិល្បការ្យ ស្ថិត នៅភូមិក្រាំងស្គារ ឃុំក្រាំងស្គារ ស្រុកទឹកផុស ឆ្ពោះទៅកាន់ភូមិខ្លែងពណ៌ ឃុំព្រៃមូល ស្រុករលាប្អៀរ ខេត្តកំពង់ឆ្នាំង។
-ខ្សែទី២-ផ្លូវដីល្បាយប្រវែងសរុប ១១គ.ម ស្ពានបេតុង ០១កន្លែង និងលូប្រអប់ ០១កន្លែង ស្ថិតភូមិភ្នំតាសាំ ឃុំក្រាំងស្គារ ស្រុកទឹកផុស ឆ្ពោះទៅភូមិបឹងវែង ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង៕
