នាយឧត្តមសេនីយ៍ ទៀ សីហា៖ កម្ពុជាបានសហការជាមួយភាគីមិត្ដ ក្នុងការលើកតម្កើងសមត្ថភាពយោធាការពារប្រទេស មិនតម្កើងសព្វាវុធក្នុងការឈ្លានពានគេនោះទេ
ភ្នំពេញ៖ ឯកឧត្ដមនាយឧត្តមសេនីយ៍ ទៀ សីហា រដ្ឋមន្រ្តីក្រសួងការពារជាតិកម្ពុជា បានបញ្ជាក់ថា កម្ពុជាបានសហការ ជាមួយភាគីមិត្ដមួយចំនួន ក្នុងការលើកតម្កើងសមត្ថភាពយោធា ត្រឹមការពារប្រទេស ដាច់ខាត គឺការពារ ប្រទេស មិនមានតម្កើងសព្វាវុធ ក្នុងការឈ្លានពានគេនោះទ។
ក្នុងឱកាសអញ្ជើញជាអធិបតី ក្នុងកម្មវិធីអបអរសាទរខួបអនុស្សាវរីយ៍លើកទី៤៨ ទិវានៃការចងចាំដំណើរឆ្ពោះ ទៅផ្តួលរំលំរបបប្រល័យពូជសាសន៍ ប៉ុល ពត និងខួបលើកទី៤៧ ថ្ងៃបង្កើតកងកម្លាំងប្រដាប់អាវុធសាមគ្គីសង្រ្គោះជាតិកម្ពុជា នាព្រឹកថ្ងៃទី២០ ខែមិថុនា ឆ្នាំ២០២៥ នាយឧត្តមសេនីយ៍ ទៀ សីហា បានឱ្យដឹងថា ប្រទេសថៃ មានសព្វាវុធតាំងពីលើគោក ទឹក និងអាកាស តែខ្មែរមានសព្វាវុធ ដើម្បីការពារប្រទេសជាតិ ដោយមិនបានតម្លើងសព្វាវុធ ឈ្លានពាននរណាឡើយ។
នាយឧត្តមសេនីយ៍ រដ្ឋមន្រ្តីក្រសួងការពារជាតិកម្ពុជា ក៏បានបញ្ជាក់ថា ខ្មែរមានកាំភ្លើង បាញ់ការពារអាកាស ខ្មែរមានកាំភ្លើងបាញ់ការពាររថក្រោះ ហើយខ្មែរក៏មានកាំភ្លើង បាញ់នៅជួរមុខ នៅឆ្នេរសមុទ្រផងដែ៕
