មន្ទីរសង្គមកិច្ចរាជធានីភ្នំពេញ បន្តអនុវត្តវិធានការ ដោះស្រាយបញ្ហា ករណីជន អនាថា សុំទាន ចំនួន ១៥នាក់ ដើម្បីផ្តល់សេវា និង លើកកម្ពស់សុខុមាលភាពសង្គម
ភ្នំពេញ៖មន្ទីរសង្គមកិច្ច អតីតយុទ្ធជន និងយុវនីតិសម្បទារាជធានីភ្នំពេញ ក្រោមការដឹកនាំរបស់ លោក រឿន រិទ្ធីពង្ស ប្រធានមន្ទីរស្តីទី នៅថ្ងៃចន្ទ ទី១៩ ខែឧសភា ឆ្នាំ២០២៥ បានបន្តយកចិត្តទុកដាក់ អនុវត្តវិធានការ ដោះស្រាយបញ្ហា ករណីជនអនាថា ចំនួន១៥នាក់(ស្រី០២នាក់) និងករណីជនប្រកបរបរសុំទានតាមដងផ្លូវប្រឈមនឹងគ្រោះថ្នាក់នានា ដែលត្រូវបានមន្ទីរស.អ.យ.រាជធានីភ្នំពេញ សហការ ជាមួយអាជ្ញាធរមូលដ្ឋាន ក្នុង ខណ្ឌច្បារអំពៅ និងខណ្ឌទួលគោក ធ្វើការ ផ្សព្វផ្សាយ ណែនាំ និង ជួយសង្គ្រោះ ដើម្បីផ្តល់សេវា និងបន្តតាមនីតិវិធីកំណត់។
លោកប្រធានមន្ទីរស្តីទីបានសង្កត់ធ្ងន់ថា កិច្ចការងារដោះស្រាយបញ្ហាជនអនាថា និង ជនប្រកបរបរសុំទានតាមទីសាធារណៈ កន្លងមកនេះ មន្ទីរបានយកចិត្តទុកដាក់ សហការជាមួយអាជ្ញាធរ ជំនាញពាក់ព័ន្ធ និងអង្គការដៃគូអភិវឌ្ឍន៍ក្នុងការអភិវឌ្ឍន៍ និងលើកសុខុមាលភាពជនរងគ្រោះ អោយទទួលសេវាគាំពារ និងអត្ថប្រយោជន៍របស់គោលនយោបាយរាជរដ្ឋាភិបាល។
