រដ្ឋបាលខេត្តកំពង់ធំ ដឹកនាំកិច្ចប្រជុំស្តីពីដំណាំស្វាយចន្ទីក្នុងភូមិសាស្រ្តខេត្ត

ភ្នំពេញ៖ លោក ងួន រាសី អភិបាលរងខេត្តកំពង់ធំ បានដឹកនាំកិច្ចប្រជុំស្តីពីដំណាំស្វាយចន្ទីក្នុងភូមិសាស្រ្តខេត្តកំពង់ធំដែលកិច្ចប្រជុំនេះធ្វេីឡេីងនៅថ្ងៃទី២០ ខែមេសា ឆ្នាំ២០២៥ នៅសាលប្រជុំសាលាខេត្តកំពង់ធំ ដោយមានការអញ្ជេីញចូលរួមពីលោក អ៊ុក គីមសាន អភិបាលរងខេត្តព្រះវិហារ ឧកញ៉ា តែ តាំងប៉ ប្រធាន FASMEC ឧកញ៉ា តែ សឿផាន់បណ្ឌិត សូម៉ា ព្រមទាំងប្រធានសហពន្ធស្វាយចន្ទី ប្រធានសមាគមដាំដុះស្វាយចន្ទីកម្ពុជា ប្រធានសមាគមស្វាយចន្ទីមន្ត្រីជំនាញ ម្ចាស់សិប្បកម្មក្នុងខេត្តកំពង់ធំ និងបងប្អូនប្រជាកសិករផងដែរ។

លោក ងួន រាសី មានប្រសាសន៍ថា នៅក្នុងខេត្តកំពង់ធំយេីងមាន រោងចក្រ និងសិប្បកម្មកែច្នៃគ្រាប់ស្វាយចន្ទី សរុបចំនួន ១២ទីតាំង ក្នុងនោះរោងចក្រកែឆ្នៃមាន ៣ទីតាំង និងសិប្បកម្មមាន ៩ទីតាំង ដែលអាចស្តុកទិន្នផលបានចំនួន ១៨.១៩៥តោន ក្នុង ១ឆ្នាំ។

លោកអភិបាលរងខេត្ត បានបន្តថា វិធានការមួយចំនួនដែរល្អបំផុត ដេីម្បីអោយស្វាយចន្ទីមានទិន្នផលកាន់តែច្រេីនទៀតនោះគឺ ការបង្កេីនសមត្ថភាពជំនាញដល់កសិករអំពីបច្ចេកទេសគ្រប់គ្រងដំណាំ ព្រមទាំងការជំរុញការប្រេីប្រាស់ពូជមាន គុណភាពល្អ ផ្តល់ទិន្នផលខ្ពស់ និងធន់ននឹងលក្ខខណ្ឌមិនសមប្រកបនានា។

លោក ងួន រាសី បានបន្ថែមទៀតថា ការបង្កេីតសហគមន៍កសិកម្មទំនេីប និងជំរុញការអនុវត្តផលិតកម្មកសិកម្មតាមកិច្ចសន្យា ដេីម្បីកាត់បន្ថយតម្លៃដេីម និងធានាការផ្គត់ផ្គង់ផលិតផលស្របតាមតម្រូវការទីផ្សារ។ លេីសពីនេះការពង្រឹងទីផ្សារផលិតផលដោយភ្ជាប់កសិករផលិតសហគមន៍កសិកម្ម ជាអ្នកប្រមូលទិញសហគ្រាស/កសិកម្ម ក្រុមហ៊ុនកែច្នៃ និងនាំចេញ គឺជារឿងដែលល្អបំផុត។

គួរបញ្ជាក់ផងដែរថា កិច្ចប្រជុំនេះធ្វេីឡេីងក្នុងគោលបំណង លេីកយកនៅបញ្ហាប្រឈម និងសំណូមពរ ដេីម្បីអោយការដាំដុះស្វាយចន្ទី ទទួលបានទិន្នផលកាន់តែខ្ពស់បន្ថែមទៀត ៕