សម្តេចធិបតី និងលោកជំទាវបណ្ឌិត ផ្ដល់អំណោយជូនសាលាបឋមសិក្សាពងទឹក ស្ថិតនៅភូមិពងទឹក ឃុំរកាពរប្រាំ ស្រុកត្បូងឃ្មុំ
ភ្នំពេញ៖ កាលពីព្រឹកថ្ងៃទី៩ ខែមករា ឆ្នាំ២០២៥ ឧត្តមសេនីយ៍ទោ ស៊ុំ សំណាង មេបញ្ជាការ បញ្ជាការដ្ឋានទ័ពពិសេស កងទ័ពជើងគោក និងលោកស្រី សាំង សុខណា បាននាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី មានស៊ីម៉ង់ត៍ ចំនួន០៥តោន ថវិកា ២.០០០.០០០រៀល ប្រគល់ជូនដល់សាលាបឋមសិក្សាពងទឹក ដើម្បីយកមកកសាងរបង និងសមិទ្ធិផលផ្សេងៗនៅក្នុងបរិវេណសាលាបឋមសិក្សាពងទឹកនេះ។
ក្នុងឱកាសប្រគល់ និងទទួលស៊ីម៉ង់ត៍ និងថវិកានោះលោក យ៉ឹម ចិន្តា មេឃុំរកាពរប្រាំ តំណាងឱ្យនាយកសាលាបឋមសិក្សាពងទឹក និងលោកគ្រូ អ្នកគ្រូ ព្រមទាំងសិស្សានុសិស្សទាំងអស់ បានថ្លែងអំណរគុណចំពោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត និងលោកឧត្តមសេនីយ៍ទោ ស៊ុំ សំណាង មេបញ្ជាការបញ្ជាការដ្ឋានទ័ពពិសេស កងទ័ពជើងគោក ព្រមទាំងលោកស្រី សាំង សុខណា ដែលជានិច្ចជាកាលតែងតែមើលឃើញនូវការខ្វះខាត និងជួយឧបត្ថម្ភគាំទ្រដល់សាលាបឋមសិក្សាពងទឹកដែលកំពង់មានការខ្វះខាត។ សូមគោរពជូនពរសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិតពេជ ចន្ទមុន្នី លោកឧត្តមសេនីយ៍ទោ ស៊ុំ សំណាង និងលោកស្រី សាំង សុខណា ជួបនូវពុទ្ធពរបួនប្រការ អាយុ វណ្ណៈ សុខៈ ពលៈ កុំបីឃ្លាងឃ្លាតឡើយ។ក្នុងឱកាសនោះដែរលោកឧត្តមសេនីយ៍ទោ ស៊ំុ សំណាង និងលោកស្រី សាំង សុខណា បានឧបត្ថម្ភថវិកាដល់លោកគ្រូ អ្នកគ្រូ ចំនួន២៥នាក់ក្នុងម្នាក់ៗថវិកាចំនួន២០.០០០រៀល៕
