លោកជំទាវ ផែតុងតាន ស៊ីណាវ៉ាត្រា ប្រធានគណបក្សភឿថៃ ចូលជួបសម្តែងការគួរសមជាមួយ ឯកឧត្ដមកិត្តិសេដ្ឋាបណ្ឌិត ជាម យៀប
ភ្នំពេញ៖ លោកជំទាវ ផែតុងតាន ស៊ីណាវ៉ាត្រា (ហៅអ៊ុង អ៊ីង) ប្រធានគណបក្សភឿថៃ ដែលជាកូនស្រីរបស់ឯកឧត្ដម ថាក់ ស៊ីន នៅព្រឹកថ្ងៃទី១៨ ខែមីនា ឆ្នាំ២០២៤នេះ បានចូលជួបសម្តែងការគួរសមជាមួយ ឯកឧត្ដមកិត្តិសេដ្ឋាបណ្ឌិត ជាម យៀប ប្រធានរដ្ឋសភាកម្ពុជាស្តីទី នៅវិមានរដ្ឋសភា។
លោកជំទាវ ផែតុងតាន ស៊ីណាវ៉ាត្រា បាននិងកំពុងបំពេញទស្សនកិច្ចនៅកម្ពុជា រយៈពេល២ថ្ងៃ នៅថ្ងៃទី១៨ និង១៩ ខែមីនា ឆ្នាំ២០២៤នេះ តបតាមការអញ្ជើរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា។
នៅក្នុងដំណើរទស្សនកិច្ចនេះ លោកជំទាវ ផែតុងតាន ស៊ីណាវ៉ាត្រា មានកម្មវិធីជួបពិភាក្សាទ្វេភាគីជាមួយសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជួបសម្តែងការគួរសមជាមួយ ប្រធានព្រឹទ្ធសភា, ប្រធានរដ្ឋសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាផងដែរ។
