មន្ត្រីជាន់ខ្ពស់មន្ទីរបញ្ចកោណ៖ ទីក្រុងវ៉ាស៉ីនតោននឹងធ្វើការជាមួយ ប្រមុខកងទ័ពថ្មីរបស់អ៊ុយក្រែន ប្រកបដោយប្រសិទ្ធភាព

វ៉ាស៊ីនតោន៖ មន្ត្រីជាន់ខ្ពស់មន្ទីរបញ្ចកោណម្នាក់បានឲ្យដឹងកាលពីថ្ងៃព្រហស្បតិ៍ថា ប្រធានាធិបតីអ៊ុយក្រែនលោក Volodymyr Zelenskiy មានសិទ្ធិជ្រើសរើសអ្នកដែលដឹកនាំយោធាអ៊ុយក្រែន ហើយសហរដ្ឋអាមេរិកនឹងធ្វើការប្រកបដោយប្រសិទ្ធភាពជាមួយប្រមុខយោធាថ្មីរបស់គាត់ នេះបើតាមមន្ត្រីជាន់ខ្ពស់មន្ទីរបញ្ចកោណបាននិយាយកាលពីថ្ងៃព្រហស្បតិ៍។

លោក Celeste Wallander ជំនួយការរដ្ឋមន្ត្រីការពារជាតិទទួលបន្ទុកកិច្ចការសន្តិសុខអន្តរជាតិនៅមន្ទីរប៉ង់តាហ្គោនបាននិឲ្យដឹងថា លោកប្រធានាធិបតី Zelenskiy គឺជាប្រធានាធិបតីនៃប្រទេសរបស់លោក ហើយអ៊ុយក្រែន មិនដូចរុស្ស៊ីទេ មានការគ្រប់គ្រងស៊ីវិលតាមបែបប្រជាធិបតេយ្យ។

លោក Zelenskiy បានដំឡើងឋានន្តរស័ក្តិឧត្តមសេនីយឯក Oleksandr Syrskyi ដែលជាមេបញ្ជាការកងទ័ពជើងគោកឱ្យដឹកនាំយោធាជំនួសលោក Valeriy Zaluzhnyi។

លោក Celeste Wallander បានហៅឧត្តមសេនីយឯក Oleksandr Syrskyi ថាជា មេបញ្ជាការដែលមានបទពិសោធន៍និងជោគជ័យ។

លោក Celeste Wallander បានបន្ថែមថា សហរដ្ឋអាមេរិកគោរព ហើយនឹងធ្វើការជាមួយអ្នកណាក៏ដោយ ដែលរដ្ឋាភិបាលជាប់ឆ្នោតតាមបែបប្រជាធិបតេយ្យ មេដឹកនាំគឺលោកប្រធានាធិបតី Zelenskiy ជ្រើសរើសធ្វើជាមេបញ្ជាការរបស់លោក ហើយយើងនឹងធ្វើការប្រកបដោយប្រសិទ្ធភាពជាមួយឧត្តមសេនីយ៍ Oleksandr Syrskyi។

ប្រភព៖ Reuters

ប្រែសម្រួលដោយ៖ ឡាយ លីហួ