អ្នកការទូតស្វីស៖ ចិនដែលជាសម្ព័ន្ធមិត្តរបស់រុស្ស៊ី ចាំបាច់ត្រូវបញ្ចប់សង្រ្គាមនៅអ៊ុយក្រែន
ដាវ៉ូស៖ តំណាងកំពូលរបស់ប្រទេសអ៊ុយក្រែនបានឲ្យដឹងបន្ទាប់ពីកិច្ចប្រជុំការទូតកម្រិតខ្ពស់នៅមុនវេទិកាសេដ្ឋកិច្ចពិភពលោកនៅប្រទេសស្វីស។
ប្រធានបុគ្គលិកប្រធានាធិបតីអ៊ុយក្រែនលោក Andriy Yermak បានឲ្យដឹងកាលពីថ្ងៃអាទិត្យថា វាជារឿងសំខាន់ដែលសម្ព័ន្ធមិត្តរុស្ស៊ីគឺចិននៅតុនៅពេលក្រុងកៀវកោះប្រជុំបន្ថែមទៀតលើរូបមន្តសន្តិភាពរបស់ខ្លួន។
នាយករដ្ឋមន្ត្រីចិន លោក Li Qiang នឹងដឹកនាំគណៈប្រតិភូនៅទីក្រុង Davos ក្នុងសប្តាហ៍នេះ។ នៅពេលសួរថាតើប្រធានាធិបតីអ៊ុយក្រែន លោក Volodymyr Zelenskiy នឹងជួបលោក Li Qiang ដែរឬទេ លោក Yermak បានប្រាប់សន្និសីទសារព័ត៌មានថាគាត់មិនបានឃើញរបៀបវារៈចុងក្រោយរបស់ប្រធានាធិបតីអ៊ុយក្រែនទេ។
លោក Zelenskiy នឹងមកដល់ទីក្រុង Bern ប្រទេសស្វីសនៅថ្ងៃចន្ទ ដើម្បីជួបជាមួយប្រធានសហព័ន្ធស្វីស Viola Amherd។
សមាជិកក្រុមប្រឹក្សាសហព័ន្ធស្វីស លោក Ignazio Cassis ដែលបានចូលរួមការពិភាក្សាកាលពីថ្ងៃអាទិត្យ បានប្រាប់សន្និសីទសារព័ត៌មានមុននេះថា យើងត្រូវតែធ្វើអ្វីគ្រប់យ៉ាងដើម្បីបញ្ចប់សង្រ្គាមនេះ។
លោក Ignazio Cassis បានបន្តថា ប្រទេសចិនដើរតួនាទីយ៉ាងសំខាន់។ យើងត្រូវតែស្វែងរកវិធីដើម្បីធ្វើការជាមួយប្រទេសចិនលើបញ្ហានេះ។ លោក Cassis បានបន្ថែមថា ទាំងរុស្ស៊ី និងអ៊ុយក្រែន មិនមានឆន្ទៈក្នុងការធ្វើសម្បទាននោះទេ។
លោក Zelenskiy ក៏ទំនងជានឹងជួបជាមួយ JPMorgan Chase (JPM.N) CEO Jamie Dimon នៅ Davos ក្នុងសប្តាហ៍នេះ ខណៈដែលគាត់ព្យាយាមស្វែងរកការគាំទ្រដើម្បីផ្តល់មូលនិធិសម្រាប់អ៊ុយក្រែន។
ប្រធានាធិបតីរុស្ស៊ី លោក វ្ល៉ាឌីមៀ ពូទីន បានបញ្ជូនទាហានរាប់ពាន់នាក់ចូលទៅក្នុងអ៊ុយក្រែនក្នុងខែកុម្ភៈ ឆ្នាំ២០២២ ដែលបង្កឱ្យមានការប្រឈមមុខដាក់គ្នាដ៏ធំបំផុតរវាងរុស្ស៊ី និងលោកខាងលិច ចាប់តាំងពីវិបត្តិមីស៊ីលគុយបាឆ្នាំ១៩៦២។
លោក Cassis បានបញ្ជាក់ថា ប្រទេសដែលមានកិច្ចសន្ទនាជាមួយរុស្ស៊ី ដូចជាប្រេស៊ីល ឥណ្ឌា និងអាហ្វ្រិកខាងត្បូង បានចូលរួមក្នុងកិច្ចពិភាក្សា Davos ហើយអាចដើរតួនាទីយ៉ាងសំខាន់។
មន្ត្រីសហភាពអឺរ៉ុបមួយរូបបានឲ្យដឹងថា ដៃគូលោកខាងលិចរបស់អ៊ុយក្រែនបានសម្តែងការគាំទ្រយ៉ាងច្បាស់លាស់ចំពោះទីក្រុង Kyiv និងផែនការសន្តិភាពរបស់ខ្លួន ដោយមានការអំពាវនាវដល់ប្រជាជាតិខាងត្បូងសកល ឱ្យបញ្ជាក់យ៉ាងច្បាស់ដល់ប្រទេសរុស្ស៊ីអំពីសារៈសំខាន់នៃការគោរពធម្មនុញ្ញអង្គការសហប្រជាជាតិ និងគោលការណ៍ស្នូលរបស់ខ្លួនក្នុងផលប្រយោជន៍សន្តិសុខពិភពលោក។
ប្រភព៖ Reuters
ប្រែសម្រួលដោយ៖ ឡាយ លីហួ
