សម្តេចធិបតី៖ ក្រុមវាយប្រហារនៅខាងក្រៅប្រទេសជ្រកក្រោមស្លាកសារព័ត៌មានកំពុងតែធ្វើសកម្មភាពភូតកុហក់ពលរដ្ឋខុសពីការពិត

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ទៅកាន់ក្រុមប្រឆាំងនៅក្រៅប្រទេសដែលជ្រកក្រោមស្លាកសារព័ត៌មានបាននិងកំពុងតែធ្វើសកម្មភាពភូតកុហក់ប្រជាពលរដ្ឋហើយ។

សម្ដេចធិបតី បានបញ្ជាក់យ៉ាងដូច្នេះ ក្នុងឱកាសអញ្ជើញសម្ពោធដាក់ឱ្យប្រើប្រាស់ សមិទ្ធផលគម្រោងអភិវឌ្ឍន៍ប្រព័ន្ធបង្ហូរទឹកកង្វក់ ក្នុងរាជធានីភ្នំពេញ នាព្រឹកថ្ងៃទី២៧ ខែធ្នូ ឆ្នាំ២០២៣។

សម្តេចធិបតី ហ៊ុន ម៉ាណែត បានថ្លែងបញ្ជាក់ថា៖«ខ្ញុំឃើញក្រុមអ្នកវាយប្រហារមួយក្រុមនៅក្រៅប្រ ទេសដែលជ្រកក្រោមស្លាកសារព័ត៌មាន បើខ្ញុំបូកទៅប្រហែល ២០នាក់ ទាំងអស់ហ្នឹង មានអនឡាញផងដែរជជែកវាយប្រហារព្រែកជីកហ្វូណនតេជោ។ គេជជែកអ្វីជជែកចុះ ប៉ុន្តែ គេបានបង្កើតការភូតកុហក់ រឿងបកស្រាយ បញ្ចេញមតិ ខ្ញុំមិនដែលខ្វល់ទេ»។

សម្តេចធិបតី នាយករដ្ឋមន្ត្រី បានបញ្ជាក់ទៀតថា ធ្វើអ្នកនយោបាយ សម្ដេចដឹងថា ជើងកាន់ខ្ពស់ ថ្នល់កាន់តែជ្រៅ តែរឿងការបកស្រាយបញ្ចេញមតិសម្ដេចមិនតបទេ ព្រោះថារឿង របស់អ្នកឯង តែទ ស្សនៈរបស់សម្ដេចគឺគិតគូរពីប្រជាពលរដ្ឋ។

សម្តេចធិបតី ហ៊ុន ម៉ាណែត ក៏បានលើកយកពាក្យស្លោករបស់អ្នកប្រាជ្ញអង់គ្លេសម្នាក់យ៉ាងដូច្នេះថា៖ «បើយើងរវល់តែរើសដុំថ្មគប់ឆ្កែដែលព្រូសគ្រប់ឆ្កែនោះគឺយើងមិនដើរដល់គោលដៅទេ»។ មានន័យថាអ្នកនយោបាយថ្នាក់ដឹកនាំរដ្ឋាភិបាលបើគិតតែរឿងតែគេលើកយោបល់គ្រប់នោះយើងមិនអាចសម្រេចភារកិច្ចបម្រើជាតិនោះទេ។

សម្តេចធិបតី ក៏បានគូសបញ្ជាក់ផងដែរថា បើគិតពីការវាយប្រហាររបស់ក្រុមប្រឆាំងវិញបើគិតពីការហូបបាយវិញគឺទាំងបាយព្រឹក បាយថ្ងៃត្រង់ និងល្ងាចដូចគ្នា ប៉ុន្តែសម្តេចមិនធ្វើការឆ្លើយតបនោះទេ។

សម្តេចធិបតី នាយករដ្ឋមន្រ្ដី បានលើកឡើងថា អ្នកប្រាជ្ញអង់គ្លេសនោះមិនបានហាមថាមិនឱ្យគប់ឆ្កែទេ តែគេនិយាយថាគប់គ្រប់ឆ្កែ អីចឹងយើងក៏អាចគប់ឆ្កែមួយចំនួនបានដែរ ពិសេសនោះ ឆ្កែឆ្កួត បើមិនដូច្នេះទេវានឹងខាំយើងជាមិនខាន។

ជាមួយគ្នានោះដែរ សម្តេចធិបតី បានអះអាងថា នេះជាការឆ្លើយតបបន្តិច ប៉ុន្តែសំដៅទៅកាន់ អ្នកមួយក្រុមនោះទេប៉ុន្តែប្រហែលជាការលើកឡើងបែបនេះប្រហែលក្រុមនោះយកទៅកាត់ ឬស្លបានច្រើនទៀតហើយ។ សម្តេចធិបតីបានអះអាងទៀតថា ការឆ្លើយនេះគឺដើម្បីបញ្ជាក់ជូន ប្រជាពលរដ្ឋឱ្យបានដឹង និងការពារមន្ត្រីរបស់រាជរដ្ឋាភិបាល រាប់សិបនាក់ដែលខិតខំធ្វើការដើម្បីបម្រើជាតិ បែរគេថាខិតខំបំផ្លាញជាតិ។

សម្តេចធិបតី នាយករដ្ឋមន្រ្ដី បានគូសបញ្ជាក់បន្ថែមថា៖ «រឿងដែលខ្ញុំសូមបញ្ជាក់ និងផ្ញើទៅកាន់អស់លោក ប្រហែល១០នាក់ មានទាំងអ្នកវិភាគនយោបាយពាក់ស្បង់ចីពរផង គឺការប្រឌិតមិនពិត គឺបាបណាស់ ពិសេសនោះអ្នកគ្រប់ស្បង់ចីពរភូតគេគឺបាបណាស់។ ម្សិលមិញគេថាតាមប្រភពច្បាស់របស់មន្ត្រីជានខ្ពស់របស់ក្រសូងសេដ្ឋកិច្ចបានខ្សឹបប្រាប់ថារាជរដ្ឋាភិបាលបានខ្ជីលុយ៥ពាន់លានដុល្លារដើម្បីមកវិនិយោគធ្វើព្រែកជីកហ្វូណន គឺជារឿងមិនពិតទេ»។

សម្តេចធិបតី ហ៊ុន ម៉ាណែត បានសង្កត់ធ្ងន់ថា នៅក្នុងអាណត្តិទី៧នេះ រាជរដ្ឋាភិបាលត្រូវតែប្តេជ្ញាចិត្តក្នុងការខិតខំលើកកម្ពស់គុណភាព សុខភាព សមត្ថភាព និងជីវភាពប្រជាពលរដ្ឋ ៕