ឯកឧត្ដម វ៉ាត់ ចំរើន៖ បាល់ទាត់លើតុគឺមានការប្រកួតកម្រិតតំបន់ និងកម្រិតទ្វីប ហើយមានការគាំទ្រ និងពេញនិយមច្រើនពីបណ្ដាតារាបាល់ទាត់ពិភពលោក
ភ្នំពេញ៖ ឯកឧត្ដម វ៉ាត់ ចំរើន បានឱ្យដឹងថា បាល់ទាត់លើតុនេះគឺមានការប្រកួតកម្រិតតំបន់ និងកម្រិតទ្វីបហើយក៏មានជាការប្រកួតជើងឯកពិភពលោកជារៀងរាល់ឆ្នាំផងដែរ។
ឯកឧត្ដមបន្តថា កីឡាមួយនេះគឺមានការគាំទ្រ និងពេញនិយមច្រើនពីបណ្ដាតារាបាល់ទាត់ពិភពលោក និងបានចូលរួមផ្សព្វផ្សាយជាខ្លាំងលើប្រព័ន្ធផ្សព្វផ្សាយកន្លងទៅ។ សហព័ន្ធសម្រេចធ្វើការ ប្រកួតជ្រើសរើស ជើងឯកថ្នាក់ជាតិនេះគឺដើម្បីបន្តនិរន្តរភាពការងារបច្ចេកទេសរបស់សហព័ន្ធ។
ជាមួយគ្នានេះឯកឧត្ដមសូមអំពាវនាវដល់ឯកឧត្ដម លោកជំទាវ លោក លោកស្រី ដែលស្ម័គ្រចិត្តចង់ចូលរួមបម្រើការងារក្នុងសហព័ន្ធ ប្រើការងារក្នុងក្លឹបនានាសូមស្វាគមន៍ និងបើកចំហជានិច្ច។ជាមួយគ្នានេះដែរសូមក្លឹបនិមួយៗធ្វើការពង្រីកសមាជិក ពង្រីកសកម្មភាពហ្វឹកហាត់ ប្រកួតឲ្យកាន់តែផុលផុសបានច្រើន ព្រោះប្រភេទកីឡានេះងាយហ្វឹកហាត់ ងាយលេង និងមិនតម្រូវទីតាំងធំ ឬស្មុគស្មាញនោះឡើយ៕
