ឯកឧត្តម ឈា ប៊ុនរិទ្ធ រដ្ឋលេខាធិការប្រចាំការ ក្រសួងធនធានទឹក ដឹកនាំកិច្ចប្រជុំពិភាក្សាការងារអគ្គនាយកដ្ឋានកិច្ចការបច្ចេកទេស
ភ្នំពេញ នាព្រឹកថ្ងៃចន្ទ ៦កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៨ ខែធ្នូ ឆ្នាំ២០២៣ ឯកឧត្តម ឈា ប៊ុនរិទ្ធ រដ្ឋលេខាធិការប្រចាំការ បានអញ្ជើញដឹកនាំកិច្ចប្រជុំពិភាក្សាការងារបណ្តានាយកដ្ឋាន នៃអគ្គនាយកដ្ឋានកិច្ចការបច្ចេកទេស នៅទីស្តីការក្រសួង។ ដោយមានការចូលរួមពីឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន និងមន្ត្រីបច្ចេកទេសតាមនាយកដ្ឋាន។
សូមជម្រាបថា កិច្ចប្រជុំពិភាក្សាការងារមានការធ្វើបទបង្ហាញអំពីរចនាសម្ព័ន្ធ ស្ថានភាពបច្ចុប្បន្ន ផែនការសកម្មភាពឆ្នាំ២០២៤ និងផែនការសកម្មភាព៣ឆ្នាំរំកិល(២០២៥-២០២៧)ក៏ដូចជាបញ្ហាផ្សេងៗ ដែលបានជួបប្រទះ និងដំណោះស្រាយនាពេលកន្លងមក តាមនាយកដ្ឋាននីមួយៗ។
ក្នុងឱកាសនេះ ឯកឧត្តមរដ្ឋលេខាធិការប្រចាំការ ប្រធានអង្គប្រជុំបានមានមតិស្វាគមន៍ និងថ្លែងអំណរគុណចំពោះកិច្ចខិតខំនាពេលកន្លងមក ព្រមទាំងផ្តល់អនុសាសន៍ណែនាំអំពីភាពជាអ្នកដឹកនាំ ដើម្បីយកទៅអនុវត្ត និងកែលំអឱ្យកាន់តែល្អប្រសើរឡើងបន្ថែមទៀត ក្នុងការគ្រប់គ្រងនៅតាមបណ្តានាយកដ្ឋាន។
ជាមួយគ្នានេះដែរ ឯកឧត្តមប្រធានអង្គប្រជុំបានជូនពរដល់ឯកឧត្តម លោក លោកស្រី និងមន្រ្តីបច្ចេកទេសទាំងអស់ សូមជួបប្រទះពុទ្ធពរ ៤ប្រការ គឺ អាយុ វណ្ណៈ សុខៈ ពលៈ និងជ័យជំនះគ្រប់ភារកិច្ច ៕
