តៃប៉ិ៖ តៃវ៉ាន់បានរាយការណ៍ម្តងទៀតអំពីយន្តហោះចម្បាំង និងនាវាចម្បាំងរបស់ចិនជុំវិញកោះនេះកាលពីថ្ងៃព្រហស្បតិ៍ ទី៣០ ខែវិច្ឆិកា រួមទាំងយន្តហោះឆ្លងកាត់ខ្សែបន្ទាត់មធ្យមដ៏រសើបនៃច្រកសមុទ្រតៃវ៉ាន់ ខណៈដែលទីក្រុងប៉េកាំងរក្សាសកម្មភាពយោធារបស់ខ្លួនមុនការបោះឆ្នោតនៅខែមករារបស់តៃវ៉ាន់។
តៃវ៉ាន់ដែលគ្រប់គ្រងដោយប្រជាធិបតេយ្យ ដែលចិនអះអាងថាជាទឹកដីរបស់ខ្លួន បានត្អូញត្អែរសម្រាប់រយៈពេលបួនឆ្នាំចុងក្រោយនៃការល្បាត និងសមយុទ្ធយោធារបស់ចិនជាទៀងទាត់នៅជិតកោះនេះ។
តៃវ៉ាន់ធ្វើការបោះឆ្នោតប្រធានាធិបតី និងសភានៅថ្ងៃទី ១៣ មករា ហើយយុទ្ធនាការបានឈានដល់ដំណាក់កាលខ្ពស់ហើយ។ ទំនាក់ទំនងជាមួយចិនគឺជាចំណុចសំខាន់នៃជម្លោះ។
ក្រសួងការពារជាតិតៃវ៉ាន់បានឲ្យដឹងថា ចាប់ពីព្រឹកថ្ងៃព្រហស្បតិ៍នេះ ខ្លួនបានរកឃើញយន្តហោះចម្បាំង J-១០ និង J-១៦ ក៏ដូចជាឧទ្ធម្ភាគចក្រដឹកតាមកប៉ាល់ដែលកំពុងប្រតិបត្តិការនៅកណ្តាលកោះតៃវ៉ាន់ និងទៅភាគនិរតីនៃកោះនេះ។
ក្រសួងបានបន្ថែមថា យន្តហោះចំនួន ១១ គ្រឿងបានឆ្លងកាត់ខ្សែបន្ទាត់មធ្យមរបស់ច្រកសមុទ្រតៃវ៉ាន់ ឬតំបន់ដែលនៅជិតនោះ ដោយធ្វើការជាមួយនាវាចម្បាំងចិន ដើម្បីអនុវត្តការល្បាតត្រៀមប្រយុទ្ធរួមគ្នា។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
