កម្លាំងការិយាល័យប្រឆាំងគ្រឿងញៀន ឃាត់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន នៅស្រុកគិរីវង់ ខេត្តតាកែវ
តាកែវ៖ ដោយមានបទបញ្ជាពី លោកឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ និងមានការសម្របសម្រួល ដោយ ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត នៅថ្ងៃសុក្រ ទី១១ ខែសីហា ឆ្នាំ២០២៣ វេលាម៉ោង១៤ និង៣០នាទី បានចុះបង្ក្រាបទីតាំង ០១កន្លែង នៅចំណុចក្នុងភូមិត្រពាំងព្រីង ឃុំព្រៃអំពក ស្រុកគិរីវង់ ខេត្តតាកែវ ក៏បានធ្វើការឃាត់ខ្លួនជនសង្ស័យចំនួន ០១នាក់ ឈ្មោះ ស៊ុយ កែវ ភេទប្រុស អាយុ ២៩ឆ្នាំ មុខរបរ ជាងម៉ូតូ មានទីលំនៅភូមិត្រពាំងព្រីង ឃុំព្រៃអំពក ស្រុកគីរីវង់ ខេត្តតាកែវ (មុខសញ្ញាជួញដូរ និងប្រើប្រាស់) បានដកហូតវត្ថុតាងនៅនិងខ្លួនជនសង្ស័យបានរួមមាន៖
-ម្សៅក្រាមពណ៌សថ្លាចំនួន ០៥កញ្ចប់តូច
-ទូរស័ព្ទចំនួន ០១គ្រឿង
-ម៉ូតូចំនួន ០១គ្រឿង
-ឧបករណ៍ប្រើប្រាស់មួយចំនួន។
បច្ចុប្បន្ន ជនសង្ស័យរួមទាំងវត្ថុតាង កម្លាំងជំនាញកំពុងធ្វើការសាកសួរ ដើម្បីកសាងសំណុំរឿងតាមនីតិវិធីច្បាប់ ៕
