ភ្នំពេញ៖ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នារសៀលថ្ងៃអាទិត្យ ០៥រោច ខែទុតិយាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី០៦ ខែសីហា ឆ្នាំ២០២៣ បានអញ្ជើញចូលរួមគោរពវិញ្ញណក្ខន្ធ ឧបាសិកា កែវ ណាន។
ឧបាសិកា កែវ ណាន (ត្រូវជាជីជូនក្មេករបស់ ឯកឧត្តម ម៉ៅ ហាវណ្ណាល់) ដែលបានទទួលមរណភាព កាលពីថ្ងៃសៅរ័ ៤រោច ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី៥ ខែសីហា ឆ្នាំ២០២៣ ក្នុងជន្មាយុ ៩៩ឆ្នាំ ដោយជរាពាធ នៅសង្កាត់ចតុមុខ រាជធានីភ្នំពេញ។
នៅក្នុងឱកាសដ៏ក្តុកក្តួលនោះ សម្តេចកិត្តិសង្គហបណ្ឌិតក៏បានចូលរួមរំលែកទុក្ខជាមួយឯកឧត្តម ម៉ៅ ហាវណ្ណាល់ ចំពោះការបាត់បង់ នូវជីដូនជាទីស្រឡាញ់នាពេលនេះ និងបានឧទ្ទិសបួងសួងឲ្យដួងវិញ្ញាណក្ខន្ធរបស់ ឧបាសិកា កែវ ណាន បានទៅកាន់សុគតិភពកុំបីឃ្លៀងឃ្លាតឡើយ។
ពិធីបុណ្យសព បានរៀបចំធ្វើឡើងតាមប្រពៃណីព្រះពុទ្ធសាសនា នៅវត្តលង្កាកុសុមារាម រាជធានីភ្នំពេញ ៕
