KYIV៖ ការវាយប្រហាររបស់រុស្ស៊ីលើទីតាំងចែកចាយជំនួយមនុស្សធម៌នៅភាគអាគ្នេយ៍អ៊ុយក្រែនបានសម្លាប់មនុស្ស ៧ នាក់ សេវាសង្គ្រោះបន្ទាន់បាននិយាយកាលពីថ្ងៃចន្ទហើយមនុស្សពីរនាក់បានស្លាប់ដោយការបាញ់ផ្លោងរបស់រុស្ស៊ីនៅភាគខាងកើត។
លោក Yuriy Malashko អភិបាលនៃតំបន់ Zaporizhzhia បានឲ្យដឹងថា គ្រាប់បែកអាកាសចរណ៍ដឹកនាំមួយ ត្រូវបានគេប្រើប្រាស់ក្នុងការវាយប្រហារកាលពីថ្ងៃអាទិត្យ ទៅលើអគារសិក្សាដែលត្រូវបានប្រើ ដើម្បីចែកចាយជំនួយនៅក្នុងទីក្រុងតូចមួយនៃ Orikhiv។
សេវាសង្គ្រោះបន្ទាន់របស់អ៊ុយក្រែនបានឲ្យដឹងថា សាកសពបីនាក់ត្រូវបានស្រង់ចេញពីក្រោមគំនរបាក់បែកកាលពីថ្ងៃចន្ទ ដែលនាំឱ្យចំនួនអ្នកស្លាប់កើនឡើងដល់ប្រាំពីរ។ ប្រតិបត្តិការជួយសង្គ្រោះ និងសង្គ្រោះពេលនេះបានបញ្ចប់ហើយ។
លោក Yuriy Malashko បានឲ្យដឹងថា មនុស្ស ១១ នាក់បានរងរបួសក្នុងការវាយប្រហារកំពុងត្រូវបានព្យាបាលនៅក្នុងមន្ទីរពេទ្យ។ ការិយាល័យអគ្គព្រះរាជអាជ្ញាបានឲ្យដឹងថាឧប្បត្តិហេតុនេះកំពុងត្រូវបានស៊ើបអង្កេតជាឧក្រិដ្ឋកម្មសង្គ្រាម។
ការិយាល័យរដ្ឋអាជ្ញាបានបន្តថា មនុស្សពីរនាក់ត្រូវបានសម្លាប់ និងបីនាក់ទៀតរងរបួសកាលពីថ្ងៃចន្ទនៅក្នុងការបាញ់ផ្លោងរបស់រុស្សីលើភូមិ Hostre និងទីក្រុង Avdiivka ក្នុងតំបន់ Donetsk។
រ៉យទ័រមិនអាចផ្ទៀងផ្ទាត់របាយការណ៍ដោយឯករាជ្យបានទេ។ រុស្ស៊ីដែលបានចាប់ផ្តើមការឈ្លានពានអ៊ុយក្រែនពេញលេញក្នុងខែកុម្ភៈ ឆ្នាំ២០២២ បដិសេធការកំណត់គោលដៅជនស៊ីវិលដោយចេតនា។
យោធាអ៊ុយក្រែនកំពុងធ្វើការវាយលុកមួយដើម្បីព្យាយាមដណ្តើមយកទឹកដីដែលកាន់កាប់ដោយរុស្ស៊ីមកវិញក្នុងតំបន់ Zaporizhzhia។
ប្រភព៖ Reuters
ប្រែសម្រួលដោយ៖ {ឡាយ លីហួ}
https://www.reuters.com/world/europe/four-civilians-killed-11-wounded-russia-strikes-zaporizhzhia-town-ukraine-2023-07-10/
