នគរបាលស្រុកស្វាយចេក បង្រ្កាបមុខសញ្ញាជួញដូរនិងប្រើប្រាស់គ្រឿងញៀន៣នាក់ ដកហូតវត្ថុតាងមួយចំនួន
បន្ទាយមានជ័យ៖ នគរបាលស្រុកស្វាយចេក នៅថ្ងៃទី០១ ខែកក្កដា ឆ្នាំ ២០២៣ ម្សិលមិញ បានបញ្ជូនខ្លួនជនសង្ស័យ ០៣នាក់ មកស្នងការដ្ឋាននគរបាលខេត្តបន្ទាយមានជ័យ ដើម្បីអនុវត្តតាមនិតិវិធីបន្ត។
លោកវរសេនីយ៍ឯក ជា ស្លូញ អធិការនគរបាលស្រុកស្វាយចេក បានឲ្យដឹងថា នៅវេលាម៉ោង១០និង៣០នាទីព្រឹកថ្ងៃទី០៣ ខែមិថុនា ឆ្នាំ២០២៣ កម្លាំងអធិការរដ្ឋាននគរបាលស្រុកស្វាយចេក សហការជាមួយ កម្លាំងអធិការរដ្ឋាននគរបាលស្រុកថ្មពួក បានធ្វើការបង្រ្កាបមុខសញ្ញាជួញដូរនិងប្រើប្រាស់គ្រឿងញៀននៅចំណុចឡដុតធ្យូងខាងត្បូងភូមិពន្លៃ ឃុំពន្លៃ ស្រុកភ្នំស្រុក ចំងាយ១.០០០ម៉ែត្រ ឃាត់ខ្លួនបាន០៣នាក់ រត់គេចខ្លួន០១នាក់ ។
លោកអធិការបានបញ្ជាក់ថា ជនសង្ស័យដែលឃាត់ខ្លួនបានមាន៖១.ឈ្មោះ រឿង រាក់ ភេទប្រុស អាយុ ២៧ឆ្នាំ ។
២.ឈ្មោះទាម តូ ភេទ ប្រុសអាយុ២៣ឆ្នាំ។
៣.ឈ្មោះទាម ជូ ភេទប្រុស អាយុ១៨ឆ្នាំ អ្នកទាំង០៣នាក់ រស់នៅភូមិស្វាយខ្មៅ ឃុំពន្លៃ ស្រុក ភ្នំស្រុកជាមួយគ្នា ។ក្នុងប្រតិបតិ្តការនេះ កម្លាំងនគរបាលបានដកហូតវត្ថុតាងម្សៅក្រាមពណ៌សថ្លា សង្ស័យជាថ្នាំញៀនចំនួន១២ កូនថង់និងកាំភ្លើងកែច្នៃ០២ដើម ។
លោកវរសេនីយ៍ឯក ជា ស្លូញ បានបញ្ជាក់ថា ក្រោយពីឃាត់ខ្លួននិងសាកសួរចម្លើយ ពួកគេបានសារភាពថា ថ្នាំញៀនទាំង១២កូនថង់នេះ គឺជារបស់ឈ្មោះ រី ភេទប្រុស អាយុប្រហែល ៣៧ឆ្នាំរស់នៅ ភូមិពន្លៃ ឃុំ ពន្លៃ ស្រុកភ្នំស្រុក (រត់គេចខ្លួនបាត់) ។បច្ចុប្បន្នជនសង្ស័យដែលកំពុងកិច្ចខ្លួននេះ សមត្ថិច្ចកំពុងស្រាវជ្រាវ ចាប់ខ្លួនដើម្បីយកមកអនុវត្តតាមនិតិវិធី ៕
