នាយឧត្តមសេនីយ៍ ហ៊ុន ម៉ាណែត៖ កងទ័ពកើតចេញពីប្រជាជន ដើម្បីបម្រើផលប្រយោជន៍ប្រជាជន ហ៊ានប្តូរផ្តាច់ និងលះបង់កម្លាំងកាយចិត្ត និងសូម្បីតែអាយុជីវិតខ្លួនឯង
ភ្នំពេញ៖ ឯកឧត្តមនាយឧត្តមសេនីយ៍បណ្ឌិត ហ៊ុន ម៉ាណែត បានថ្លែងថា កងទ័ពកើតចេញពីប្រជាជន ហើយដើម្បីបម្រើផលប្រយោជន៍ប្រជាជន ដោយហ៊ានប្តូរផ្តាច់ និងលះបង់កម្លាំងកាយចិត្ត និងសូម្បីតែអាយុជីវិតរបស់ខ្លួនឯង ជាពិសេសក្នុងពេលដែលប្រជាជនមានតម្រូវការក្នុងការជួយសង្គ្រោះ ការការពារ និងកិច្ចអន្តរាគមន៍ផ្សេងៗក្នុងពេលមានគ្រោះអាសន្ន។
ក្នុងឱកាសតំណាងដ៏ខ្ពង់ខ្ពស់របស់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញសម្ពោធអគារស្នាក់នៅ និងសមិទ្ធផលនានារបស់ តំបន់ប្រតិបត្តិការសឹករងកំពត និងកងឯកភាពចំណុះ នាថ្ងៃទី២៩ ឧសភា នាយឧត្តមសេនីយ៍បណ្ឌិត ហ៊ុន ម៉ាណែត មានប្រសាសន៍បន្តថា អ្វីដែលសំខាន់ផងដែរនោះ គឺការប្តេជ្ញាការពារ និងថែរក្សាសុខសន្តិភាព សន្តិសុខ និងសណ្តាប់ធ្នាប់របៀបរៀបរយសាធារណៈ តាមរយៈការទប់ស្កាត់រាល់ការប៉ុនប៉ងបង្កអស្ថិរភាពណាមួយដោយអនុវត្តគ្រប់បទបញ្ជារបស់រាជរដ្ឋាភិបាល ៕
