មន្ត្រីនាយកដ្ឋានសត្វព្រៃ បន្តចុះចាប់ និងប្រមូលសំណាកសត្វប្រចៀវសរុបចំនួន ១៩៧ក្បាល យកទៅវិភាគរកមេរោគ និងជំងឺផ្សេងៗ

ភ្នំពេញ៖ មន្ត្រីនាយកដ្ឋានសត្វព្រៃ និងជីវចម្រុះ នៃរដ្ឋបាលព្រៃឈើ សហការជាមួយវិទ្យាស្ថានប៉ាស្ទ័រកម្ពុជា កាលពីថ្ងៃទី០២ ដល់ថ្ងៃទី០៨ ខែឧសភា ឆ្នាំ២០២៣ បានបន្តសកម្មភាពចុះចាប់ និងប្រមូលសំណាកសត្វប្រចៀវសរុបចំនួន ១៩៧ក្បាល ក្នុងនោះញីចំនួន ១០៨ក្បាល និងឈ្មោលចំនួន ៨៩ក្បាល ដែលមានសរុបចំនួន ១៩ប្រភេទ (Cynopterus brachyotis, Cynopterus sphinx, Eonycteris spelea,Rhinolophus shameli, Rhinolophus acumilatus, Rhinolophus chesani, Rhinolophus malayanus, Rhinolophus micriglobisus, Rhinolophus pusilus, Taphozous melanopogon, Taphozous theobaldi, Megaderma spasma, Hipposideros armiger, Hipposideros diadema, Hipposideros larvatus, Hipposideros cineraceus, Hipposideros galeritus, និង Hipposideros gentilis) នៅស្រុកថាឡាបរិវ៉ាត់ ខេត្តស្ទឹងត្រែង យកទៅវិភាគរកមេរោគ និងជំងឺផ្សេងៗ ដើម្បីបង្ការពីការចម្លងជំងឺផ្សេងៗតាមរយៈសត្វប្រចៀវទៅមនុស្ស ៕
