កាកបាទក្រហមកម្ពុជាខេត្តស្វាយរៀង នាំយកអំណោយមនុស្សធម៌ផ្តល់ជូនប្រជាពលរដ្ឋរងគ្រោះដោយសារអគ្គីភ័យ នៅស្រុករមាសហែក
ភ្នំពេញ៖ ដើម្បីឆ្លើយតបទៅនឹងតម្រូវការរបស់ប្រជាពលរដ្ឋដែលរងគ្រោះមហន្តរាយឲ្យបានទាន់ពេលវេលា បន្ទាប់ទទួលបានព័ត៌មានពីអនុសាខាកាកបាទក្រហមកម្ពុជាស្រុករមាសហែក ស្តីពីករណីប្រជាពលរដ្ឋ រងគ្រោះដោយសាអគ្គីភ័យ នៅថ្ងៃទី១ ខែមករា ឆ្នាំ ២០២៣ ក្រុមការងាសាខាកាកបាទក្រហមកម្ពុជា ខេត្តស្វាយរៀង ដឹកនាំដោយលោកជំទាវ ដួង វណ្ណា ប្រធានកិត្តិយសសាខា លោកជំទាវ ពៅ សុភាព ហេរញ្ញឹកគណៈកម្មាធិការសាខា និងសហការី បាននាំយកអំណោយមនុស្សធម៌ ផ្តល់ជូនគ្រួសាររងគ្រោះ ដោយសារអគ្គីភ័យ ១ គ្រួសារ ដែលរងគ្រោះកាលពីថ្ងៃទី ៣១ ខែ ធ្នូ ឆ្នាំ ២០២២ វេលាម៉ោង២២:៥០នាទីយប់ បណ្តាលឲ្យឆេះផ្ទះ ០១ ខ្នង ម្ចាស់ផ្ទះឈ្មោះ ពុត សាមឿន ភេទប្រុសអាយុ ៥៣ ឆ្នាំ មុខរបរ កសិករ (មានសមាជិករស់នៅក្នុងផ្ទះនេះចំនួន ០៣ គ្រួសារ សមាជិកសរុប ១០ នាក់ ) នៅភូមិត្រោក ឃុំអំពិល ស្រុករមាសហែក (មូលហេតុបណ្តាលមកពីឆ្លងចរន្តអគ្គីសនីពីររថយន្ត បណ្ដាលឲ្យឆេះរថយន្ត និងឆាបឆេះផ្ទះតែម្ដង)។
ផ្ទះទំហំ ៥,៥x៩ ម៉ែត្រ សង់អំពីឈើប្រក់ក្បឿង ជញ្ជាំងក្ដាររងការខូចខាតទាំងស្រុងរួមនឹងសម្ភារប្រើប្រាស់ ។
អំណោយដែលបានផ្តល់ជូនរួមមាន៖ អង្ករ ៥០ គ.ក្រ កៅស៊ូតង់ ១ ធុងទឹកជ័រ ១ ឆ្នាំងបាយ-សម្ល ២ មី ១ កេសត្រីខ ១ យួ ទឹកស៊ីអ៊ីវ ១ យួ កន្ទេលបត់ ១ ឃីត ១ កញ្ចប់(មុង ១ ភួយ ១ ក្រមា ១ សារុង ១) ថវិកា ៤០ ម៉ឺន រៀល៕
