តាលីបង់ អំពាវនាវឱ្យបេសកកម្ម UN ជួយជំរុញទំនាក់ទំនងរវាងអាហ្វហ្កានីស្ថាន និងប្រទេសដទៃទៀត
បរទេស៖ អាជ្ញាធរតាលីបង់កាលពីថ្ងៃសៅរ៍បានស្វាគមន៍ការបន្តអាណត្តិបេសកកម្មរបស់អង្គការសហប្រជាជាតិទៅកាន់អាហ្វហ្គានីស្ថានដោយនិយាយថាទីភ្នាក់ងារនេះគួរតែជួយជំរុញទំនាក់ទំនងរវាងប្រទេសនិងប្រជាជាតិដទៃទៀត។
បេសកកម្មជំនួយរបស់អង្គការសហប្រជាជាតិនៅអាហ្វហ្គានីស្ថាន (UNAMA) មានវត្តមាននៅក្នុងប្រទេសអាហ្វហ្គានីស្ថានតាំងពីឆ្នាំ២០០២ ហើយបានបន្តអាណត្តិរហូតដល់ថ្ងៃទី១៧ ខែមីនា ឆ្នាំ២០២៥ ដោយការបោះឆ្នោតជាឯកច្ឆ័ន្ទរបស់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃសុក្រ។
អ្នកនាំពាក្យរដ្ឋាភិបាលលោក Zabihullah Mujahid បានប្រាប់ប្រព័ន្ធផ្សព្វផ្សាយរដ្ឋ RTA ថាការបន្តអាណត្តិរបស់ UNAMA ជាឆន្ទៈរបស់ព្រះជាម្ចាស់ បម្រើជាផលប្រយោជន៍របស់ប្រទេសអាហ្វហ្គានីស្ថាន ខណៈដែលប្រទេសជាតិត្រូវការភ្ជាប់ទំនាក់ទំនងជាមួយប្រទេសជុំវិញពិភពលោក និងអង្គការនានា ហើយ UNAMA អាចពង្រឹងទំនាក់ទំនងបែបនេះ។
រដ្ឋាភិបាលតាលីបង់មិនត្រូវបានទទួលស្គាល់ជាផ្លូវការដោយប្រទេសណាមួយទេ ចាប់តាំងពីការដណ្តើមអំណាចបន្ទាប់ពីការដកទ័ពអាមេរិកដ៏ច្របូកច្របល់ក្នុងខែសីហា ឆ្នាំ២០២១ ជាមួយនឹងការព្រួយបារម្ភអំពីសិទ្ធិ និងសន្តិសុខរបស់ស្ត្រីក្នុងចំណោមចំណុចគន្លឹះសំខាន់ៗ។
លោក Mujahid បានអំពាវនាវដល់ UNAMA ឱ្យជួយបញ្ជូនវឌ្ឍនភាពលើសន្តិសុខ និងស្ថិរភាពដល់សហគមន៍អន្តរជាតិ ដោយថ្កោលទោស សម្ពាធអយុត្តិធម៌ លើអាហ្វហ្គានីស្ថាន និងបញ្ជាក់ឡើងវិញនូវការទាមទារឱ្យដោះលែងទ្រព្យសម្បត្តិអាហ្វហ្គានីស្ថានដែលបង្កក។
កិច្ចប្រជុំនាពេលថ្មីៗនេះនៃបេសកជនពិសេសជាតិ និងតំបន់ប្រចាំប្រទេសអាហ្វហ្គានីស្ថាននៅទីក្រុងដូហា បានពិភាក្សាអំពីការបង្កើនការចូលរួម និងការឆ្លើយតបប្រកបដោយការសម្របសម្រួលបន្ថែមទៀតចំពោះអាហ្វហ្គានីស្ថាន ស្របតាមអនុសាសន៍នៃការវាយតម្លៃឯករាជ្យរបស់អង្គការសហប្រជាជាតិនាពេលថ្មីៗនេះ។
សេចក្តីថ្លែងការណ៍របស់អង្គការសហប្រជាជាតិដែលដកស្រង់សំដីរបស់តំណាងជប៉ុនដែលកាន់តំណែងជាប្រធានប្តូរវេនរបស់ក្រុមប្រឹក្សាសន្តិសុខបានឲ្យដឹងថា វត្តមានរបស់ UNAMA វត្តមានគឺមិនអាចខ្វះបាន នៅពេលដែលសហគមន៍អន្តរជាតិស្វែងរកការភ្ជាប់ទំនាក់ទំនងកាន់តែស៊ីជម្រៅ និងកសាងទំនុកចិត្តជាមួយពួកតាលីបង់។
អាជ្ញាធរតាលីបង់បានច្រានចោលអនុសាសន៍មួយផ្សេងទៀតពីការវាយតម្លៃដែលអំពាវនាវឱ្យមានបេសកជនពិសេសរបស់អង្គការសហប្រជាជាតិប្រចាំនៅអាហ្វហ្គានីស្ថាន ដែលជាសំណើគាំទ្រដោយប្រទេសលោកខាងលិច។
ការតែងតាំងបែបនេះគឺមិនចាំបាច់មួយផ្នែកទេ ដោយសារ UNAMA មានមូលដ្ឋានរួចហើយ រដ្ឋមន្ត្រីការបរទេស Amir Khan Muttaqi បានរំលឹកឡើងវិញនៅក្នុងសេចក្តីថ្លែងការណ៍ខែមករា។
