ឯកឧត្តម អ៊ូច ភា នាំយកអង្ករជាង ៧តោន ផ្ដល់ជូនពលរដ្ឋទីទ័លក្រចំនួន ២៥០គ្រួសារ មកពីឃុំចំនួន០៣ ក្នុងស្រុកបាទី

ភ្នំពេញ៖ ឯកឧត្តម អ៊ូច ភា អភិបាលខេត្តតាកែវ នាព្រឹកថ្ងៃចន្ទ ទី១៤ ខែសីហា ឆ្នាំ២០២៣ បានដឹកនាំមន្រ្តីជំនាញ លោក ញ៉ិប ស្រ៊ន ប្រធានមន្ទីរកសិកម្ម រុក្ខា ប្រមាញ់ និងនេសាទខេត្ត អញ្ជើញចុះជួបសំណេះសំណាល និងនាំយកអង្ករមួយចំនួន ផ្ដល់ជូនពលរដ្ឋទីទ័លក្រចំនួន ២៥០គ្រួសារ មកពីឃុំចំបក់ ឃុំត្រពាំងសាប និងឃុំកណ្ដឹង នៅក្នុងស្រុកបាទី ដោយក្នុងមួយគ្រួសារៗទទួលបាន អង្ករ ៣០គីឡូក្រាម សរុបចំនួន ៧,៥០០គីឡូក្រាម ដែលជំនួយរបស់សមាជិកអាស៊ានបូក៣ តាមរយៈក្រសួងកសិកម្ម រុក្ខា ប្រមាញ់ និងនេសាទ។

សូមជម្រាបជូនដែរថា សម្រាប់ខេត្តតាកែវ គឺទទួលបានអង្ករសរុបចំនួន ៧៥,០០០គីឡូក្រាម សម្រាប់ជំនួយសង្គ្រោះបន្ទាន់ដល់ប្រជាពលរដ្ឋ ដែលរងគ្រោះដោយគ្រោះធម្មជាតិ ចំនួន ២,៥០០គ្រួសារ នៅក្រុង ស្រុក ចំនួន១០ ក្នុងខេត្តតាកែវ ៕