គណៈកម្មាធិការសេដ្ឋកិច្ច នៃមហាសន្និបាតអន្តរសភាអាស៊ាន AIPA លើកទី៤៣ ប្រជុំពិនិត្យខ្លឹមសារ សេចក្តីព្រាងសេចក្តីសម្រេច និងឯកសារទស្សនទាន
ភ្នំពេញ៖ ឯកឧត្តម ទី សុគន្ធ ប្រធានប្រតិភូសភាកម្ពុជាសម្រាប់កិច្ចប្រជុំគណៈកម្មាធិការសេដ្ឋកិច្ច នៃមហាសន្និបាតអន្តរសភាអាស៊ាន (អាយប៉ា/AIPA) លើកទី៤៣ នាព្រឹកថ្ងៃទី១៣ ខែកញ្ញា ឆ្នាំ២០២២ បានអញ្ជើញដឹកនាំ ឯកឧត្តម លោកជំទាវ លោក លោកស្រី ជាសមាជិក សមាជិកា គណៈកម្មាធិការ សេដ្ឋកិច្ច សម្រាប់មហាសន្និបាតអន្តរសភាអាស៊ាន អាយប៉ា លើកទី៤៣ និងមន្ត្រីជំនាញពីក្រសួងពាក់ព័ន្ធ មានក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងទីប្រឹក្សា និងជំនួយការ ដើម្បីពិនិត្យខ្លឹមសារលើសេចក្តីព្រាងសេចក្តីសម្រេច និងឯកសារទស្សនទាន។
សូមជម្រាបថា កិច្ចប្រជុំមហាសន្និបាតអន្តរសភាអាស៊ាន អាយប៉ា លើកទី៤៣ នឹងត្រូវប្រារព្ធធ្វើនៅ ព្រះរាជាណាចក្រកម្ពុជា ក្នុងខែវិច្ឆិកា ឆ្នាំ២០២២ នាពេលខាងមុខនេះ៕
