នគរបាលខេត្តកំពត បង្រ្កាបបទល្មើសជួញដូរ និងប្រើប្រាស់គ្រឿងញៀន ២ករណី ឃាត់ខ្លួនជនសង្ស័យ ៤នាក់
ភ្នំពេញ៖ ដោយមានការយកចិត្តទុកដាក់ ចង្អុលបង្ហាញ និងបញ្ជាយ៉ាងម៉ឹងម៉ាត់ពី លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត ក្នុងការបង្រ្កាបនូវរាល់បទល្មើសគ្រឿងញៀនគ្រប់ប្រភេទ នៅទូទាំងខេត្តកំពត ការិយាល័យប្រឆាំងគ្រឿងញៀន បានបង្រ្កាបករណីជួញដូរ និងប្រើប្រាស់គ្រឿងញៀនចំនួន២ ករណី (ក្រុងកំពតនិងស្រុកអង្គរជ័យ)។
កាលពីថ្ងៃទី១១ ខែកញ្ញា ឆ្នាំ២០២២ វេលាម៉ោង២០និង៣០នាទី ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត បានបង្រ្កាបបទល្មើសជួញដូរ និងប្រើប្រាស់គ្រឿងញៀន ២ករណី ស្ថិតនៅភូមិទ្វីខាងជើង សង្កាត់អណ្តូងខ្មែរ ក្រុងកំពត ខេត្តកំពតនិងនៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត។
ករណីនេះយើងឃាត់ខ្លួនជនសង្ស័យបានចំនួន ៤នាក់ និងដកហូតថ្នាំញៀនបានចំនួន ៤ កញ្ចប់។
ជនសង្ស័យទាំង ៤នាក់រួមមាន ៖
១.ឈ្មោះ រិទ្ធ បញ្ញាពេជ្រ ភេទប្រុស អាយុ ១៧ ឆ្នាំរស់នៅភូមិទ្វីខាងត្បូងសង្កាត់អណ្តូងខ្មែរ ក្រុងកំពត ខេត្តកំពត.
២.ឈ្មោះ យន ប៉ូលីន ភេទប្រុស អាយុ៣៣ ឆ្នាំ រស់នៅភូមិតាអង្គ សង្កាត់អណ្តូងខ្មែរ ក្រុងកំពត ខេត្តកំពត។
៣. ឈ្មោះ ស៊ុក មី ភេទប្រុស អាយុ៣៦ឆ្នាំ រស់នៅភូមិ ប្រាល ឃុំតានីស្រុកអង្គរជ័យ ខេត្តកំពត។
៤. ឈ្មោះ កែម ផាន់ណូ ភេទប្រុស អាយុ៣៩ឆ្នាំ រស់នៅភូមិក្ទោកជើង សង្កាត់កន្ទោក ខណ័្ឌកំបូល រាជធានីភ្នំពេញ។
បច្ចុប្បន្នកម្លាំងសមត្ថកិច្ចកំពុងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់៕
