ស ម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងចូលរួមរំលែកទុក្ខជាមួយឯកឧត្តមបណ្ឌិត ឈឹម ឃិនដារ៉េត និងលោកជំទាវ សេង មុនីយ៉ាដា ព្រមទាំងក្រុមគ្រួសារ ចំពោះមរណភាព ឧបាសិកា ឯម វណ្ណនិត
ភ្នំពេញ៖ នៅព្រឹកថ្ងៃទី២៩ ខែមិថុនា ឆ្នាំ២០២៦ ឯកឧត្តមវេជ្ជបណ្ឌិត សុខ ឡុង និងសហការី នៃកាកបាទក្រហមកម្ពុជា តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញចូលរួមរំលែកទុក្ខដ៏ ក្រៀម ក្រំបំផុត ជាមួយឯកឧត្តមបណ្ឌិត ឈឹម ឃិនដារ៉េត និងលោកជំទាវ សេង មុនីយ៉ាដា ព្រមទាំង ក្រុមគ្រួសារនៃសព ឧបាសិកា ឯម វណ្ណនិត ដែលបានទទួលមរណភាព កាល ពីថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ ក ព.ស. ២៥៧០ ត្រូវនឹងថ្ងៃទី២៣ ខែមិថុនា ឆ្នាំ២០២៦ វេលាម៉ោង ៨:១៥នាទីព្រឹក ក្នុងជន្មាយុ ៨៥ឆ្នាំ ដោយជរាពាធ។
ក្នុងវេលាដ៏សែនក្រៀមក្រំនេះ ឯកឧត្តមវេជ្ជបណ្ឌិត សុខ ឡុង បាននាំនូវសារលិខិតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចូលរួមសម្តែងនូវការសោកស្តាយ និងចូលរំលែកទុក្ខយ៉ាងក្រៀមក្រំបំផុតជាមួយឯកឧត្តមបណ្ឌិត និងលោកជំទាវ ចំពោះមរណភាពរបស់ ឧបាសិកា ឯម វណ្ណនិត គឺជាការបាត់ បង់ម្តាយបង្កើត ម្តាយក្មេក ជីដូន ជីដូនទួត ជាទីគោរពស្រឡាញ់បំផុត និងមានគុណធម៌មួយរូបផ្តល់នូវភាពកក់ក្តៅរបស់ក្រុមគ្រួសារ ប្រកបទៅ ដោយព្រហ្មវិហារធម៌ ដែលកន្លងមកបានបូជាកម្លាំងកាយ ចិត្ត តស៊ូចិញ្ចឹមបីបាច់ថែរក្សាការពារ អប់រំទូន្មានចំពោះកូន ចៅ ចៅទួត និងគ្រួសារទាំងអស់ ឱ្យក្លាយជាប្រជាពលរដ្ឋដ៏ល្អ បញ្ញវន្ត ឥស្សរជនជាន់ខ្ពស់ ចូលរួមចំណែកគ្រប់សកម្មភាពនៃការអភិវឌ្ឍសង្គមជាតិ។
លើសពីនេះទៅទៀត ឧបាសិកា ឯម វណ្ណនិត តែងតែបានចូលរួមចំណែកដ៏ធំធេង ក្នុងការកសាងសមិទ្ធផលនានាដើម្បីទ្រទ្រង់និងលើកស្ទួយ វិស័យព្រះពុទ្ធសាស នាជារៀងដរាបមក។
កាកបាទក្រហមកម្ពុជា សូមឧទ្ទិសបួងសួងដល់ ដួងវិញ្ញាណក្ខន្ធ ឧបាសិកា ឯម វណ្ណនិត បានទៅកាន់សុគតិភព កុំបីឃ្លៀង ឃ្លាតឡើយ៕
