ព្រឹកថ្ងៃនេះ ក្រសួងប្រៃសណីយ៍ នឹងរៀបចំវេទិការដ្ឋាភិបាលឌីជីថល កម្ពុជា-កូរ៉េ
ក្រសួងប្រៃសណីយ៍ និងទូរគមនាគមន៍ បានប្រកាសឲ្យដឹងថា ក្រសួងនឹងរៀបចំវេទិការដ្ឋាភិបាលឌីជីថល កម្ពុជា-កូរ៉េ នៅសណ្ឋាគារ ហៃយ៉ាត់ រីជិនស៊ី ភ្នំពេញ និងតាមរយៈប្រព័ន្ធវីដេអូសន្និសីទ (Zoom) ដែលនឹងប្រព្រឹត្តទៅនៅថ្ងៃទី៥ ខែកញ្ញា ឆ្នាំ២០២២ វេលាម៉ោង ៩:៣០នាទីព្រឹក ក្រោមអធិបតីភាព ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងឯកឧត្តម Chang-Seob Han អនុរដ្ឋមន្ត្រីក្រសួងមហាផ្ទៃនិងសន្តិសុខនៃសាធារណរដ្ឋកូរ៉េ ព្រមទាំងមានការអញ្ជើញចូលរួមពីវាគ្មិន មកពីក្រសួង-ស្ថាប័ន ពាក់ព័ន្ធ និងវាគ្មិនមកពីសាធារណរដ្ឋកូរ៉េ។
សម្រាប់អ្នកដែលបានចុះឈ្មោះចូលរួមក្នុងវេទិការដ្ឋាភិបាលឌីជីថល កម្ពុជា-កូរ៉េ រួច សូមចូលមើល អ៊ីមែល(E-mail) ដែលក្រសួងបានផ្ញើតំណភ្ជាប់ជូន ដើម្បីចូលរួមតាមរយៈប្រព័ន្ធវីដេអូសន្និសីទ (Zoom) ។
សម្រាប់ព័ត៌មានបន្ថែមសូមតាមដានហ្វេសប៊ុក ក្រសួងប្រៃសណីយ៍និងទូរគមនាគមន៍-Ministry of Post and Telecommunications ឬតេឡេក្រាម t.me/mptcgovkh ៕
