ឯកឧត្តម សុខ សុភ័ក្ត្រ ដឹកនាំគណៈប្រតិភូកម្ពុជា ចូលរួមវេទិកា កិច្ច សម្រួល ពាណិជ្ជកម្ម អាស៊ីប៉ាស៊ីហ្វិក លើក ទី ១០ ឆ្នាំ ២០២២ នៅសិង្ហបុរី

ភ្នំពេញ៖ ឯកឧត្តម សុខ សុភ័ក្រ្ត រដ្ឋលេខាធិការក្រសួងពាណិជ្ជកម្ម និងជាអនុប្រធានគណៈកម្មាធិការជាតិកិច្ចសម្រួលពាណិជ្ជកម្ម (គ.ជ.ស.ព) តំណាងដ៏ខ្ពង់ខ្ពស់របស់ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានដឹកនាំគណៈប្រតិភូកម្ពុជាដែលមានសមាសភាពមកពីក្រសួងពាណិជ្ជកម្ម និងអគ្គនាយកដ្ឋានគយនិងរដ្ឋាករកម្ពុជា ចូលរួមវេទិកាលើកទី១០ ស្តីពីកិច្ចសម្រួលពាណិជ្ជកម្មអាស៊ី-ប៉ាស៊ីហ្វិក (the 10th Asia-Pacific Trade Facilitation Forum 2022 – APTFF2022) ដែលប្រព្រឹត្តទៅពីថ្ងៃទី២៩ ខែសីហា ដល់ថ្ងៃទី១ ខែកញ្ញា ឆ្នាំ២០២២ នៅប្រទេសសឹង្ហបុរី។

វេទិកានេះ សហការរៀបចំដោយធនាគារអភិវឌ្ឍន៍អាស៊ី (ADB), ស្ថាប័ន UN-ESCAP និងក្រសួងឧស្សាហកម្មនិងពាណិជ្ជកម្មសិង្ហបុរី ព្រមទាំងមានការចូលរួមពីថ្នាក់ដឹកនាំតំណាងក្រសួងស្ថាប័នពាក់ព័ន្ធនៃបណ្ដា ប្រទេសអាស៊ី-ប៉ាស៊ីហ្វិក តំណាងវិស័យឯកជន និងតំណាងដៃគូអភិវឌ្ឍន៍ ក្រោមមូលបទ “Next Generation Trade Facilitation for Sustainable Development”។

វេទិកា នេះ ត្រូវ បាន រៀប ចំ ឡើង ផ្ដោត ជា សំខាន់ លើ មធ្យោបាយ ដែល កិច្ច ស ម្រួល ពាណិជ្ជកម្ម អាច រួម ចំណែក ដើម្បី ពង្រឹង ភាព ធន់ នៃ ខ្សែ ច្រវ៉ាក់ ផ្គត់ ផ្គង់ សកល នៅ ក្នុង បរិបទការ រីក រាលដាល នៃ ជំងឺ កូវីដ-១៩ និង គាំទ្រ ការ ស្ដារ ឡើង វិញ នូវ សេដ្ឋ កិច្ច និង ការ អភិ វឌ្ឍប្រកប ដោយ ចីរភាពនៅ ក្នុង តំបន់ អាស៊ី- ប៉ាស៊ីហ្វិក ។ ការ ពិភាក្សាក៏បានផ្តោត លើ វិធីសាស្ដ្រ ដែល ឌីជីថលភាវូបនីយកម្មនិង បច្ចេកវិទ្យាថ្មីៗអាច ត្រូវ បាន ប្រើ ប្រាស់ ដើម្បី ធានា ថាវិធាន ការនានា នៃ កិច្ច សម្រួល ពាណិជ្ជកម្ម នៅ ក្នុង យុគ សម័យ ថ្មីត្រូវ បាន ដាក់ ចេញ ប្រកប ដោយ បរិយាប័ន្ន និង ចីរ ភាព ព្រម ទាំងជួយ ព ង្រឹង លទ្ធ ភាព របស់ SMEs និងធុរកិច្ច នៅ ក្នុង ប្រទេស អភិវឌ្ឍន៍តិចតួច អាច ចូល រួម ក្នុង ពាណិជ្ជកម្ម អន្ដរជាតិ ប្រកប ដោយ ប្រសិទ្ធ ភាព និង ស័ក្ដសិទ្ធ ភាព ។

នៅក្នុងវេទិ កា នេះ មាន កិច្ច ពិភាក្សា តុមូល ការ ធ្វើ បទ បង្ហាញ ការ ថ្លែង សន្ទរកថា គន្លឹះ ករណី សិក្សា សិក្ខាសាលា កសាង សមត្ថភាព ព្រម ទាំង ការ ចែក រំ លែក បទពិ សោធន៍និងទស្សនាទាន ទៅ លើ ទិដ្ឋ ភាព ផ្សេងៗ នៃ កិច្ចសម្រួល ពាណិជ្ជកម្ម ការ ធ្វើ ពាណិជ្ជកម្មមិនប្រើក្រដាសស្នាម ការ ធ្វើ ពាណិជ្ជកម្ម តាម ប្រព័ន្ធ អេឡិចត្រូ និក ឆ្លង កាត់ ព្រំ ដែន ការ ដឹក ជញ្ជូន និង ផ្ទេរ ទំ និញ ឆ្លង កាត់ ព្រំ ដែន ការ ទទួល បាន ហិរញ្ញប្ប ទាន សម្រាប់ពាណិជ្ជកម្ម គំ និត ផ្ដួច ផ្ដើម កម្រិត តំបន់ និង សកល ក្នុង ការ អនុវត្ត វិធាន ការ កិច្ច សម្រួល ពាណិជ្ជកម្ម និង ការ ប្រើ ប្រាស់ បច្ចេកវិទ្យា ថ្មី ៗ ក្នុង កិច្ច សម្រួល ពាណិជ្ជកម្ម ។

ក្នុងឋានៈជាវាគ្មិនកិត្តិយស នៅក្នុងកិច្ចពិភាក្សាទី៥ (Session 5: Aid for sustainable trade facilitation: evolving needs and available support) ឯកឧត្តម សុខ សុភ័ក្រ្ត បានថ្លែង ស ន្ទរកថា គន្លឹះស្ដី អំពីការកត់សម្គាល់សំខាន់ៗពាក់ព័ន្ធនឹងស្ថានភាពនៃការអនុវត្តកិច្ចសម្រួលរបស់កម្ពុជា និងបញ្ហាប្រឈមមួយចំនួនដែលជា លទ្ធ ផល នៃ ការវាយតម្លៃភាពត្រៀមរួចរាល់សម្រាប់ពាណិជ្ជកម្មឆ្លងកាត់ព្រំដែនដោយមិន ប្រើ ក្រដាសស្នាម (Readiness Assessment for Cross-border Paperless Trade for Cambodia)។

នៅ ក្នុង សន្ទរកថា គន្លឹះ ឯក ឧត្តម រដ្ឋ លេខា ធិការ បាន គូស បញ្ជាក់ ថា ក្នុង រយៈ ពេល ៦ ឆ្នាំ ចុង ក្រោម នេះ កម្ពុជា បាន ចូល រួម យ៉ាង សកម្ម ក្នុង កិច្ច សម្រួលពាណិជ្ជកម្ម ទាំង ការ រៀប ចំ ក្រប ខណ្ឌ គោល នយោបាយ ច្បាប់ និង លិខិត បទដ្ឋាន ពាក់ ព័ន្ធ ការ រៀប ចំ ហេដ្ឋារចនាសម័្ពន្ធ ចាំ បាច់ និង ការ រៀប ចំ ស្ថាប័នតម្រូវ ។ ទោះ បី ជា មាន កិច្ច ខិត ខំ ប្រឹង ប្រែង របស់ រាជ រដ្ឋាភិបាល ដៃ គូ អភិវឌ្ឍន៍ និង វិស័យ ឯក ជន ក្នុង ការ ធ្វើ ឱ្យ ប្រសើរ ឡើង នូវ កិច្ច សម្រួល ពាណិជ្ជកម្ម នៅ កម្ពុជា និង កិច្ច សម្រួល ពាណិជ្ជកម្ម ឆ្លង កាត់ ព្រំ ដែន ក៏ដោយ ក៏កម្ពុជា នៅ តែ ជួប ប្រទះ បញ្ហា ប្រឈម ជា ច្រើន ដែលទាមទារការ យក ចិត្ត ទុក ដាក់បន្ថែម និង ដោះ ស្រាយ ទៅ តាម ដំណាក់ កាល។

ឯកឧត្តមក៏បានធ្វើការជូនពរដល់វេទិកានេះឱ្យប្រព្រឹត្តទៅដោយជោគជ័យ និងប្រកបដោយផ្លែផ្កា និងស្នើបានឱ្យ ADB និង ESCAP បន្តនូវការសហការគ្នាក្នុងការរៀបចំវេទិកានេះបន្តទៀត ហើយកម្ពុជានឹងអាចក្លាយជាម្ចាស់ផ្ទះក្នុងការរៀបចំវេទិកានេះនៅក្នុងឆ្នាំ២០២៤ ផងដែរ ៕