ឧត្តមសេនីយ៍ត្រី ខាត់ សារ័ត្ន ទទួលស្វាគមន៍ប្រតិភូនាយកដ្ឋានច្រកទ្វារទី២ ដឹកនាំដោយឧត្តមសេនីយ៍ទោ ស្រេង តេកអាន អញ្ជើញចុះមកត្រួតពិនិត្យ និងពង្រឹងការងារជំនាញ
ភ្នំពេញ៖ លោក ឧត្តមសេនីយ៍ត្រី ខាត់ សារ័ត្ន នាយប៉ុស្តិ៍ និងសហការី នៅថ្ងៃទី២០ ខែសីហា ឆ្នាំ២០២២ បានទទួលស្វាគមន៍ប្រតិភូនាយកដ្ឋានច្រកទ្វារទី២ ដឹកនាំដោយលោក ឧត្តមសេនីយ៍ទោ ស្រេង តេកអាន អនុប្រធាននាយកដ្ឋានច្រកទ្វារទី២ និងសហការី បានអញ្ជើញចុះមកត្រួតពិនិត្យ និងពង្រឹងការងារជំនាញ។
ជាកិច្ចចាប់ផ្តើមប្រតិភូបាន ត្រួតពិនិត្យកម្លាំង វិន័យកងជួរ និងត្រួតពិនិត្យឯកសណ្ឋាន បន្ទាប់មកគណៈប្រតិភូបានអញ្ចើញចូលប្រជុំដើម្បីណែនាំអំពីការងារជំនាញមួយចំនួនមានដូចជា
-ការពង្រឹងវិន័យកងកម្លាំងនគរបាលជាតិ ការស្លៀកពាក់ឯកសណ្ឋានអោយបានសមរម្យ
-ត្រូវរៀបចំទុកដាក់ឯកសារលិខិតបទដ្ឋានផ្សេងៗអោយបានត្រឹមត្រូវ និងច្បាស់លាស់
-ត្រូវផ្តល់សេវាសាធារណ:ជូនភ្ញៀវជាតិ-អន្តរជាតិអោយបានល្អ និងត្រូវមានភាពញញឹមរួសរាយរាក់ទាក់ ប៉ុន្តែម៉ឺងម៉ាត់នឹងការងារ
-ត្រូវយកចិត្តទុកដាក់ត្រួតពិនិត្យទប់ស្កាត់ការលួចជ្រៀតចូលឆ្លងដែនដោយខុសច្បាប់ ក៏ដូចជា ទប់ស្កាតការរត់ពន្ធមនុស្ស ការជួញដូរស្រ្តី ការជួញដូរគ្រឿងញៀនខុសច្បាប់ និងត្រួតពិនិត្យបញ្ជីមុខសញ្ញាជាឧក្រិដ្ឋជននយោបាយអោយបានម៉ត់ចត់
-ត្រូវមានសាមគ្គីភាពផ្ទៃក្នុងអោយបានល្អ
-លើកទឹកចិត្តអោយមន្ត្រីខិតខំសិក្សាបន្ថែមនូវចំណេះដឹងភាសាបរទេស ជាពិសេសភាសាវៀតណាម
-ត្រូវចេះថែរក្សាអនាម័យការពារសុខភាពទៅតាមវិធានសុខាភិបាលអោយបានខ្ជាប់ខ្ជួន។
ក្រោយពេលបញ្ចប់កិច្ចប្រជុំប្រតិភូបានចុះទៅត្រួតពិនិត្យបញ្ជរប្រថាប់ត្រាជូនភ្ញៀវជាតិ និងអន្តរជាតិចេញ-ចូលប្រទេស បន្ទាប់មកក្រុមប្រតិភូបានចុះទៅត្រួតពិនិត្យទីតាំង ភូមិសាស្រ្ត ស្លាបឆ្វេង ស្លាបស្ដាំ ព្រមទាំងកន្លែងបំពេញការងាររបស់មន្រ្តីនៅតាមផ្នែកនីមួយៗ ៕
