ពោធិ៍សាត់៖ មុខសញ្ញាជិះម៉ូតូដើរធ្វើសកម្មភាពឆក់កាបូបលុយប្រជាពលរដ្ឋនៅតាមដងផ្លូវសាធារណៈនិង ដើរធ្វើសកម្មភាពលូចបូមប្រេងរថយន្តដែលឈប់ដេកនៅតាមដងផ្លូវជាតិលេខ៥នៅពេលយប់ត្រូវបានកម្លាំងនគរបាលស្រុកបាកានសហការណ៍នឹងកម្លាំងនគរបាលក្រុងពោធិសាត់ឃាត់ខ្លួនបានចំនួន ២ នាក់រួមនឹងមធ្យោបាយមាន ម៉ូតូចំនួន ២ គ្រឿង ទូរស័ព្ទដៃ ២ គ្រឿង និង សម្ភារះផ្សេងៗមួយចំនួនកាលពីវេលាម៉ោង ១១ និង ២៥ នាទីថ្ងៃទី ១៧ ខែ សីហា ឆ្នាំ ២០២២កន្លងមកនេះ។
បើតាមរបាយការណ៍របស់អធិការដ្ឋាននគរបាលស្រុកបាកានបានអោយដឹងថា ជនសង្ស័យចំនួន ២ នាក់ដែលសមត្ថកិច្ចឃាត់ខ្លួនបានក្នុងបទល្មើសលួចមានស្ថានទម្ងន់ទោស(ឆក់)នោះរួមមានះ១ឈ្មោះឌីវ សុខណេ ភេទប្រុសអាយុ ២១ ឆ្នាំ និង ទី២ ឈ្មោះសន វិសាល ភេទប្រុសអាយុ ១៨ ឆ្នាំ រស់នៅក្នុងភូមិរលាប សង្កាត់រលាប ក្រុងពោធិសាត់ ខេត្តពោធិសាត់។
របាយការណ៍ដដែលក៍បានអោយដឹងទៀតថា ជនសង្ស័យទាំង ២ នាក់នេះធ្លាប់ធ្វើសកម្មភាពឆក់កាបូប ប្រជាពលរដ្ឋនៅម្តុំមុខធនាគារស្រុកបាកានកាលពីថ្ងៃទី ២២ ខែ កក្កដា និង នៅថ្ងៃទី ២៩ ខែ កក្កដា ឆ្នាំ ២០២២ ហើយក៍ ធ្លាប់ធ្វើសកម្មភាពលួចបូមប្រេងរថយន្តដែលឈប់ដេកនៅពេលយប់ តាមដងផ្លូវជាតិលេខ៥ក្នុងភូមិសាស្រ្ត ខេត្តពោធិសាត់ផងដែរ។
បច្ចុប្បន្នជនសង្ស័យទាំង ២នាក់រួមនិងវត្ថុតាងត្រូវបានកម្លាំងនគរបាលជំនាញស្រុកកសាងសំណុំរឿងចាត់ ការទៅតាមនិតិវិធី។
គួរបញ្ជាក់ថា មួយរយះពេលចុងក្រោយនេះ គេសង្កេតឃើញថា សកម្មភាពឆក់កាបូបលុយពលរដ្ឋនៅតាមដងផ្លូវ សកម្មភាពលួចដោយប្រើហឹង្សា និង សកម្មភាពក្មេងទំនើងបង្កការអុកឡុកនៅក្នុងភូមិសាស្ត្រខេត្តពោធិ៍សាត់ គឺកំពុងតែកើតឡើងគួរអោយព្រួយបារម្មណ៍៕
