ឯកឧត្តម ផាន អូន អញ្ជើញបើកសិក្ខាសាលា ស្តីពី “កិច្ចការពារអ្នកប្រើប្រាស់ ពាក់ព័ន្ធនឹងខសន្យាមិនសុច្ចរិត”

ភ្នំពេញ៖ ឯកឧត្តម ផាន អូន ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋាន ក.ប.ប. នៅព្រឹកថ្ងៃទី១៦ ខែសីហា ឆ្នាំ២០២២ បានអញ្ជើញចូលរួមជាអធិបតីក្នុងសិក្ខាសាលាស្តីពី “កិច្ចការពារអ្នកប្រើប្រាស់ពាក់ព័ន្ធនឹងខសន្យាមិនសុច្ចរិត” ដែលសហការរៀបចំដោយអគ្គនាយកដ្ឋាន ក.ប.ប. នឹងការិយាល័យមេធាវី DFDL International។

សិក្ខាសាលានេះមានគោលបំណងលើកកម្ពស់ការយល់ដឹងអំពីកិច្ចការពារអ្នកប្រើប្រាស់ដោយផ្តោតសំខាន់លើការរៀបចំទម្រង់ស្តង់ដារនៃកិច្ចសន្យា (Standard Form Contract) ដែលត្រូវប្រើប្រាស់ជាមួយអ្នកប្រើប្រាស់ក៏ដូចជាខសន្យាមិនសុច្ចរិត (Unfair Contract Clauses)។ សិក្ខាសាលាខាងលើ មានការចូលរួមពីធុរជន អ្នកប្រតិបត្តិច្បាប់ មេធាវី ព្រមទាំងមន្ត្រីអនុវត្តច្បាប់។