ភ្នំពេញ៖ លោកជំទាវ ម៉ាណ ណាវី តំណាងរាស្ត្រមណ្ឌលរាជធានីភ្នំពេញ ឯកឧត្តម រ៉ូហ្វី អូស្មាន តំណាងរាស្ត្រមណ្ឌលខេត្តពោធិ៍សាត់ និងលោកជំទាវ លឹម ផល្លា តំណាងរាស្ត្រមណ្ឌលខេត្តកំពង់ធំ នាព្រឹកថ្ងៃទី១៣ ខែសីហា ឆ្នាំ២០២២ បានអញ្ជើញចូលរួមក្នុងកម្មវិធីពិនិត្យ និងព្យាបាលជំងឺ ដោយឥតគិតថ្លៃជូនប្រជាពលរដ្ឋទូទៅចំនួន ៥០០នាក់ និងខតាន់ជូនក្មេងប្រុសចំនួន ១០០នាក់ ដែលរៀបចំឡើងដោយក្រុមគ្រូពេទ្យស្ម័គ្រចិត្ត សមាគមយុវជនមូស្លីមកម្ពុជា ( ស.យ.ម.ក ) សហការជាមួយសមាគមពិភពលោកនៃក្ដីមេត្តានៃរដ្ឋកូវ៉ែត នៅភូមិដូនប៉ែន ឃុំបឹង ស្រុកបារាយណ៍ ខេត្តកំពង់ធំ។
ពិធីនេះមានការអញ្ជើញចូលរួមពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ លោកស្រី ហាក់ ពុទ្ធិតុសិតា អភិបាលរងស្រុកបារាយណ៏ និងអាជ្ញាធរមូលដ្ឋានជាច្រើនរូបទៀត។
ក្នុងឱកាសនោះដែរ លោកជំទាវ ម៉ាណ ណាវីក៏បាននាំយក អំណោយជាសម្លៀកបំពាក់សម្រាប់ទារកដែលទើបនឹងសម្រាល ជាអំណោយរបស់អង្គការមូលនីធិពិភពកុមារកំព្រាកម្ពុជា ដើម្បីចែកជូនក្រុមគ្រួសារដែលមានការខ្វះខាតមួយចំនួនផងដែរ ៕
