អភិបាលក្រុងសិរីសោភ័ណ ដឹកនាំគណៈបញ្ជាការឯកភាពក្រុង និងមន្ត្រីជំនាញពាក់ព័ន្ធ ចុះត្រួតពិនិត្យតាមទីតាំងតូប និងផ្សារទំនេីបធំៗ ជៀសវាងលួចនាំចូលរក្សាទុកនូវគ្រឿងបរិភោគមកពីប្រទេសថៃ
បន្ទាយមានជ័យ៖ ក្រោមការចង្អុលបង្ហាញរបស់ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ នៅព្រឹកថ្ងៃទី១៦ ខែមិថុនា ឆ្នាំ២០២៦ លោក ស្រេង សុផល អភិបាល នៃគណៈអភិបាលក្រុងសិរីសោភ័ណ ដឹកនាំផ្ទាល់ដោយ លោក ដុំ វណ្ណឌី អនុប្រធានមន្ទីរពាណិជ្ជកម្មខេត្ត និងមានការចូលរួមសម្របសម្រួលពីមន្ត្រីជំនាញ ក.ប.ប ខេត្តបន្ទាយមានជ័យ ព្រមទាំងកម្លាំងទាំង៣ នៃគណៈបញ្ជាការឯកភាពក្រុងសិរីសោភ័ណ ចៅសង្កាត់ ចៅសង្កាត់រង អាជ្ញាធរមូលដ្ឋានជាច្រើន បានអញ្ជើញចុះពិនិត្យជាក់ស្ដែងតាមទីតាំង តូប ហាង ម៉ាត ផ្សារទំនេីបធំៗ ក្នុងក្រុងសិរីសោភ័ណ ជៀសវាង រក្សាទុកផលិតផល និងសាច់បង្កក គ្រឿងបរិភោគ នាំចូលមកពីប្រទេសថៃ។
ក្រោយពីមន្ត្រីជំនាញចុះពិនិត្យជាក់ស្ដែងនាឱកាសនោះលោក ស្រេង សុផល បានមានប្រសាសន៍លើកឡើងថា៖ គ្រឿងទាំងអស់នោះ មានគុណភាពល្អ វិច្ចប់បានត្រឹមត្រូវ និងជាផលិតផលនៅក្នុងស្រុក មិនមែនជាផលិតផល របស់ថៃនោះទេ។ ម្យ៉ាងវិញទៀតការចុះត្រួតពិនិត្យនោះយើងសង្កេតឃើញថាបងប្អូនអាជីវករទាំងអស់បានចូលរួមដោយស្ម័គ្រចិត្ត។
នៅក្នុងឱកាសនោះលោក អភិបាលក្រុងសិរីសោភ័ណ បានធ្វើការអប់រំណែនាំចលនា ពលិកាទាំងអ្នកលក់ និងអ្នកទិញ ត្រូវបន្តគាំទ្រនៅផលិតផល ក្នុងស្រុកបន្តទៅទៀត ជៀសវាង នាំចូល រក្សាទុក្ខ រាល់ទំនិញរបស់ថៃមកដាក់តាំងលក់នៅលើទីផ្សារក្នុងស្រុកជាពិសេសនៅក្នុងក្រុងសិរីសោភ័ណ៕
