ថ្ងៃស្អែក! ឯកឧត្ដម ហ៊ុន ម៉ានី នឹងចូលរួមជាវាគ្មិនក្នុងនាមជាតួអង្គក្នុងសៀវភៅ «ក្តីសង្ឃឹម ហ៊ុន ម៉ានី» នៅលើទឹកដីអង្គរ

ភ្នំពេញ៖ នៅថ្ងៃទី១០ ខែសីហា ឆ្នាំ២០២២ស្អែកនេះ ឯកឧត្ដម ហ៊ុន ម៉ាននឹងចូលរួមជាវាគ្មិនមួយ រូបក្នុងនាមជាតួអង្គក្នុងសៀវភៅ «ក្តីសង្ឃឹម ហ៊ុន ម៉ានី» និពន្ធដោយ លោក លាង ដឺលុច្ស នៅលើទឹកដីអង្គរ នាខេត្តសៀមរាប។

តាមរយៈហ្វេសប៊ុកឯកឧត្ដម ហ៊ុន ម៉ានី បានឲ្យដឹងថា កិច្ចពិភាក្សានេះក៏មានការចូលរួមពី លោក ហ្សង់ ហ្វ្រង់ស្វ័រ តាន់ ជាវាគ្មិនកិត្តិយស លោក ប៉ែន បូណា ជាអ្នកសម្របសម្រួល និងលោក គី សុខលីម ជាអ្នករៀបចំកម្មវិធី។

ជាមួយគ្នានេះដែរ បងប្អូនសាធារណជនដែលបានចូលរួមចុះឈ្មោះ ក៏នឹងមានឱកាសចូលរួមពិភាក្សាជាមួយ ឯកឧត្ដម ហ៊ុន ម៉ានី និងវាគ្មិនទាំងអស់គ្នាផងដែរ។ សៀវភៅ «ក្តីសង្ឃឹម ហ៊ុន ម៉ានី» គឺជាស្នាដៃនិពន្ធដែល នឹងឆ្លុះបញ្ចាំងពីអត្ថន័យនៃ «ក្តីសង្ឃឹម» តាមរយៈការសង្កេត សម្ភាសខ្ញុំ និងអ្នកជុំវិញខ្លួនខ្ញុំមួយចំនួន ពីការងារ និងទស្សនៈរបស់ខ្ញុំ។ តើបងប្អូនយល់ឃើញដូចម្តេចខ្លះពីសៀវភៅនេះ? ៕