អាវុធហត្ថខេត្តកំពង់ចាម បង្ក្រាបក្មេងទំនើងជិះម៉ូតូប្រើស៊ឺម៉ាំងកែច្នៃ បំពងសំឡេងរំខានប្រជាពលរដ្ឋ

ភ្នំពេញ៖ កម្លាំងអាវុធហត្ថខេត្តកំពង់ចាម នៅថ្ងៃទី ២៣ ខែមករាឆ្នាំ ២០២៥ បានបង្ក្រាបក្មេងគំនើងដែលជិះម៉ូតូប្រើស៊ឺម៉ាំងកែច្នៃ បំពងសំឡេងរំខានប្រជាពលរដ្ឋ ចំណុចភូមិទី៨ សង្កាត់កំពង់ចាម ក្រុងកំពង់ចាម ។

មន្ត្រីអាវុធហត្ថបានឲ្យដឹងថា នៅវេលាម៉ោង២២:៣០នាទី ថ្ងៃទី២៣ ខែមករា ឆ្នាំ២០២៥ កម្លាំងកងរាជអាវុធហត្ថខេត្តកំពង់ចាម សហការជាមួយកម្លាំងមូលដ្ឋានកងរាជអាវុធហត្ថក្រុងកំពង់ចាម បានចុះល្បាតក្នុងភូមិសាស្ត្រក្រុងកំពង់ចាមទៅដល់ ខេត្តកំពង់ចាមបានឃើញក្មេងទំនើងពីរនាក់កំពុងប្រព្រឹត្តសកម្មភាពជិះម៉ូតូ០១គ្រឿង ម៉ាកសង់សេ១២៥ ព័ណ៍ខ្មៅ ផលិតឆ្នាំ២០១៨ ស្លាកលេខ ភ្នំពេញ 1GT-6125 ប្រើប្រាស់បំពង់សុីម៉ាំង កែច្នៃខុសបច្ចេកទេស បំពងសំឡេងរ៉ូលាន់រំពង បង្កការរំខានដល់ប្រជាពល រដ្ឋនៅក្នុងភូមិ ភ្លាមនោះកម្លាំងយើងបានហៅឱ្យឈប់ដើម្បីធ្វើការសួរនាំ។

ជាលទ្ធផល បានហៅមនុស្សពីរនាក់ ១.ឈ្មោះ ភ័ណ្ឌ បញ្ញា ភេទប្រុស អាយុ២៩ឆ្នាំ មុខរបរបើកបររស់នៅភូមិកំពង់វាំង ឃុំប្រឡាយ ស្រុកស្ទូង ខេត្តកំពង់ធំ ។
២.ឈ្មោះ អេង សុគន់ ភេទប្រុស អាយុ ២៨ឆ្នាំ មុខរបរបើកបរ រស់នៅភូមិទន្លេបិទលើ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ ។

មន្ត្រីអាវុធហត្ថបានបញ្ជាក់ថា បច្ចុប្បន្ន ជនទាំងពីរខាងលើបានធ្វើការអប់រំនិង អោយអាណាព្យាបាលមកធានាវិលទៅលំនៅឋានវិញ ចំណែកវត្ថុតាងម៉ូតូមួយគ្រឿងរក្សាទុកនៅបញ្ជាការដ្ឋានកងរាជអាវុធហត្ថខេត្តរយះពេលបីខែ ៕